मुसळधार पावसाने देशाच्या अनेक भागात कहर केला आहे आणि हवामान विभागाने (IMD) कोकण किनारपट्टी आणि महाराष्ट्राच्या काही भागांसाठी ऑरेंज अलर्ट जारी केला आहे. पुण्यातील अनेक भागांत रविवारी मुसळधार पाऊस झाला, अनेक ठिकाणी सखल भागात पाणी साचले होते, त्याचा परिणाम वाहतुकीवर झाला आणि प्रचंड वाहतूक कोंडी झाल्याचे पाहायला मिळाले. काही भागात वीजपुरवठा खंडित होऊन जनजीवन ठप्प झाले होते. रविवारी सायंकाळी 5 ते 7 या वेळेत शहरात जोरदार पाऊस झाला.
Isolated heavy falls & thunderstorm/lightning very likely over Odisha, Chhattisgarh, Vidarbha and East Madhya Pradesh during 11th-13th; West Madhya Pradesh, ghat areas of Madhya Maharashtra, Konkan & Goa and Gujarat Region during next 5 days; pic.twitter.com/BkyRdv88UG
— India Meteorological Department (@Indiametdept) September 11, 2022
पुण्यातील घाट माथ्यावर येत्या दोन दिवसांत मुसळधार ते अतिवृष्टीची शक्यता असून ‘ऑरेंज’ अॅलर्ट जारी करण्यात आला आहे.
हवामान विभागाच्या म्हणण्यानुसार, ओडिशा, छत्तीसगड, विदर्भ आणि पूर्व आणि पश्चिम मध्य प्रदेशात 13 सप्टेंबरपर्यंत वादळ आणि विजांच्या कडकडाटासह मुसळधार पाऊस पडण्याची शक्यता आहे. IMD ने अंदाज वर्तवला आहे की महाराष्ट्रात पावसाचा जोर वाढण्याची शक्यता आहे आणि तो 14 सप्टेंबरपर्यंत स्थिती कायम राहील.
I’m in #punecity or #Mumbai #rain #punerains #abpmajha #zeenews #TV9News #PMC pic.twitter.com/Ts94sb7uOv
— Vijay.G.Shinde (@VijayShinde999) September 11, 2022
जयपूर हवामान केंद्राचे संचालक राधेश्याम शर्मा यांनी पीटीआयला सांगितले की, बंगालच्या उपसागरातील अत्यंत कमी दाबाचे क्षेत्र तयार झाले असून सध्या ते ओरिसा आणि छत्तीसगडच्या लगतच्या भागात आहे.
दरम्यान, जम्मू आणि कश्मीरमधील उधमपूर जिल्ह्यातील गावकऱ्यांना मुसळधार पावसामुळे घरांचे नुकसान झाल्याने त्यांना तंबूत राहावे लागले, असे एएनआयने वृत्त दिले आहे.
ओडिशा अॅलर्टवर
प्रादेशिक हवामान विभाग, भुवनेश्वरने दिलेल्या माहितीनुसार 12 सप्टेंबर रोजी ओडिशाच्या जिल्ह्यांमध्ये बहुतांश ठिकाणी हलका ते मध्यम पाऊस पडण्याची शक्यता आहे.
महाराष्ट्रात मान्सून सक्रिय राहणार
महाराष्ट्रात पुढील पाच दिवस पावसाची शक्यता असून काही ठिकाणी मुसळधार ते अति मुसळधार पावसाची शक्यता आहे. राज्यात मान्सून सक्रिय होणार असून रायगड, रत्नागिरी, कोल्हापूर, पुणे आणि सातारा या जिल्ह्यांमध्ये मुसळधार पावसाचा इशारा देण्यात आला आहे.
महाराष्ट्रातील घाट, कोकण आणि विदर्भात 16 सप्टेंबरपर्यंत मुसळधार पाऊस पडेल अशी शक्यता वर्तवण्यात आली होती. मराठवाड्यातही मंगळवारपर्यंत अधिक पावसाची शक्यता आहे.
रविवारी पुणे शहर आणि लगतच्या भागात मुसळधार पावसाने 25 ठिकाणी पाणी साचले, असे एका अधिकाऱ्याने पीटीआयला सांगितले.
हवामान खात्याने सांगितले की, संध्याकाळी 5:30 वाजेपर्यंत पाषाण आणि मगरपट्टा येथे 55.8 मिलिमीटर आणि 55.5 मिलिमीटर पाऊस झाला.
रायगड, रत्नागिरी, सिंधुदुर्ग, कोल्हापूर, पुणे आणि सातारा येथे 13 सप्टेंबरपर्यंत मुसळधार पावसाचा इशारा देण्यात आला आहे. ‘पुणे जिल्ह्याचा इशारा फक्त घाटमाथ्यांसाठी आहे. शहरासाठी मध्यम पावसाचा अंदाज वर्तवण्यात आला आहे,’ असे IMD अधिकाऱ्यांनी सांगितले.
