कर्नाटकमध्ये विधानसभा निवडणुकीची मतमोजणी सुरू असून काँग्रेसने जोरदार मुसंडी मारली आहे. सुरुवातीच्या कलांमध्ये काँग्रेसने बहुमताचा आकडा पार केल्याचे दिसत आहे, दुसरीकडे भाजपची मात्र पिछेहाट झाली आहे. निकालाचे चित्र हळूहळू स्पष्ट होत असून काँग्रेसच्या गोटातील हालचालींना वेग आला आहे. गेल्या निवडणुकीमध्ये झाला तसा घोडेबाजार होऊ नये यासाठी काँग्रेस सतर्क झाली असून सर्व आमदारांना एअरलिफ्ट केले जाण्याची शक्यता आहे.
काँग्रेसने सर्व विजयी आमदारांना बंगळुरूमध्ये बोलावले आहे. उमेदवारांसाठी हेलिकॉप्टरचीही व्यवस्था करण्यात आली आहे. सर्व आमदार बंगळुरूला आल्यानंतर येथून विशेष विमानाने सर्वांना हैदराबाद येथे नेले जाईल अशी माहिती सुत्रांनी दिली आहे. हैदराबादमध्ये आमदारांसाठी एक रिसॉर्टही बूक करण्यात आले आहे. घोडेबाजार थांबवण्यासाठी काँग्रेसने हा निर्णय घेतल्याची माहिती मिळतेय.
K’taka poll results: Congress asks all its MLAs to reach Bengaluru as trends show lead
Read @ANI Story | https://t.co/0ssIJKxED8#KarnatakaElectionResults #BJP #Congress #Karnataka #JDS #Battlebegins pic.twitter.com/yyizAQNIO6
— ANI Digital (@ani_digital) May 13, 2023
दरम्यान, निवडणूक आयोगाने दिलेल्या माहितीनुसार आतापर्यंत 209 जागांचे कल हाती आले आहेत. यात काँग्रेस 115, भाजप 73 आणि जेडीएस 29 जागांवर आघाडीवर असल्याचे दिसतेय.
#KarnatakaPolls | As per the ECI, Congress crosses the halfway mark in early trends, leads in 115 constituencies, BJP ahead in 73 seats while JDS leads in 29 seats.#KarnatakaElectionResults pic.twitter.com/s2sMx1L4JS
— ANI (@ANI) May 13, 2023
बहुमत मिळणार – काँग्रेस
विधानसभेच्या 224 जागांसाठी आज मतमोजणी होऊन निकाल लागेल. बहुमतासाठी 113 जागांची आवश्यकता आहे. काँग्रेस पक्षाला स्पष्ट बहुमत मिळेल. कर्नाटकात काँग्रेस सरकार स्थापन करेल, असा विश्वास प्रदेशाध्यक्ष डी. के. शिवकुमार यांनी व्यक्त केला.
प्लॅन बी तयार – भाजप
भाजप सरकार स्थापन करेल. पण बहुमत मिळाले नाहीतर आमचा प्लॅन बी तयार आहे, असे भाजप नेते, महसूलमंत्री आर. अशोक यांनी सांगितले. दरम्यान, भाजपचा प्लॅन बी म्हणजे परत फोडाफोडीचे राजकारण होणार का? अशी शंका उपस्थित होत आहे.
