दहशतवादी हल्ल्यात गंभीर जखमी झाल्यानंतर कोमात गेलेले लेफ्टनंट कर्नल करणबीर सिंग नट यांचे शनिवारी लष्करी रुग्णालयात निधन झाले. नोव्हेंबर 2015 मध्ये लेफ्टनंट कर्नल नट 160 टेरिटोरियल आर्मी बटालियनचे उपप्रमुख म्हणून कुपवाडाजवळील एका गावात लपलेल्या दहशतवाद्यांविरुद्ध लढताना जखमी झाले होते. सैन्य सेवाकाळ पूर्ण केल्यावरही देशप्रेमासाठी ते प्रादेशिक सैन्यात सामील झाले होते.
