सामना ऑनलाईन । नवी दिल्ली
17 व्या लोकसभा निवडणुकीचा निकाल स्पष्ट झाला आहे. एनडीएला सर्वाधिक जागा मिळाल्या आहेत. एनडीएने 352 जागांवर तर भाजपने एकट्याने 303 चा आकडा गाठला. 16 व्या लोकसभा निवडणुकीपेक्षाही चांगली कामगिरी भाजप आणि एनडीएने यंदा केली आहे. गेल्या निवडणुकीमध्ये भाजपला 282 जागा मिळाल्या होत्या, तर यंदा भाजपने 303 जागांवर विजय मिळवला आहे. त्यामुळे भाजपने इतिहास घडवला आहे.
BJP now leading on 301 seats and Congress on 50 seats. #ElectionResults2019 pic.twitter.com/chlXjguCIN
— ANI (@ANI) May 23, 2019
इतिहासामध्ये पहिल्यांदाच बिगरकाँग्रेसी सरकार सलग दुसऱ्यांदा बहुमताने सत्तेत आले आहे. याआधी अटल बिहारी वाजयेपी यांनी तीन वेळा भाजप सरकार स्थापन केले होते. परंतु तिन्ही वेळेस सहयोगी पक्षांच्या मदतीने सरकार स्थापन केले होते. परंतु 2014 मध्ये मोदी लाटेत विरोधी पक्ष उडाले आणि पहिल्यांदा बिगरकाँग्रेसी सरकार बहुमताने सत्तेत आले होते. आता पुन्हा एकदा भाजप सरकार बहुमताने सत्तेत आले आहे.
