दिल्लीतील निर्भया बलात्कार आणि हत्या प्रकरणातील चार दोषींना फाशीची शिक्षा सुनावण्यात आली आहे. 20 मार्चला त्यांना फासावर लटकवण्यात येणार आहे. त्यासाठी डेथ वाँरंट जारी करण्यात आले आहे. ही फाशीची शिक्षा टाळण्यासाठी दोषींचे हरप्रकारे प्रयत्न सुरू आहेत. या दोषींनी आपली फाशीची शिक्षा रद्द करावी, अशी मागणी करत आंतरराष्ट्रीय न्यायालयाकडे दाद मागितली आहे. तसेच या प्रकरणातील एक दोषी मुकेश सिंह याने नवी दिल्ली उच्च न्यायालयात नव्याने एक याचिका दाखल केली आहे.
2012 Delhi gang-rape: ML Sharma, lawyer of one of the death row convicts Mukesh, approaches a Delhi court & claims that he (Mukesh) was arrested from Rajasthan on 17th Dec, he was not there at the crime spot at the time of the incident. He has also alleged torture at Tihar Jail.
— ANI (@ANI) March 17, 2020
घटनेवेळी आपण दिल्लीत नव्हतो, 17 डिसेंबर 2012 मध्ये आपल्याला राजस्थानातून अटक करून दिल्लीत आणण्यात आले होते , असा दावा त्याने याचिकेत केला आहे. त्यामुळे या प्रकरणाशी आपला संबंध नसून यात आपण दोषी नसल्याचा दावा त्याने केला आहे. मुकेशचे वकील एम.एल. शर्मा यांनी ही याचिका दाखल केली आहे. तसेच मुकेशने तिहार तुरुंगात आपले शोषण झाल्याचा आणि आपल्याला मारहाण केल्याचा दावा केला आहे. तसेच फाशीची शिक्षा टाळण्यासाठी दोषींनी आंतरराष्ट्रीय न्यायालयातही धाव घेतली आहे. त्यातच मुकेशने या प्रकरणाशी आपला संबंध नसून घटना घडली त्यावेळी आपण दिल्लीत नव्हतो, 17 डिसेंबर 2012 रोजी आपल्याला राजस्थानातून अटक करण्यात आली होती, असा दावा करत शिक्षा रद्द करण्यासाठी उच्च न्यायालयात याचिका दाखल केली आहे. या याचिकेवरील निर्णय न्यायालयाने राखून ठेवला आहे. अतिरिक्त सत्र न्यायाधीश धमेंद्र राणा यावर लवकरच निर्णय देण्याची शक्यता आहे.
जन अभियोजक पक्षाने या याचिकेवर आक्षेप घेत मुकेशकडून दाखल करण्यात आलेली ही याचिका बिनबुडाची आहे. त्याला सात वर्षानंतर अचानक राजस्थानची आठवणकशी झाली, असा सवाल केला आहे. शिक्षेची अंलबजावणी पुढे ढकलण्यासाठी अशा याचिका दाखल करण्यात येत असल्याचे त्यांनी सांगितले.
