सामना प्रतिनिधी, पंढरपूर
सांगली-कोल्हापूर भागातील पूरग्रस्तांना आवश्यक ती मदत तातडीने करा, असे निर्देश शिवसेना पक्षप्रमुख उद्धव ठाकरे यांनी दिले होते. या आवाहनानुसार शिवसेनेचे सोलापूर जिल्हा समन्वयक प्रा. शिवाजी सावंत यांनी 25 हजार चादरी, 2 टन तांदूळ, 1 टन डाळ, 1 टन चहा-साखर, 1 टन इतर खाद्य पदार्थ, पिण्याच्या पाण्याचे 13 टँकर आणि दोन होड्या सांगली-कोल्हापूर भागातील पूरग्रस्तांसाठी रवाना केल्या आहेत.
