सामना ऑनलाईन, नवी दिल्ली
सोनिया गांधी यांचे अत्यंत जवळचे मानले जाणारे टॉम वडक्कन यांनी भाजपमध्ये जाहीर प्रवेश केला. त्यांना केरळमधून भाजप उमेदवारी देणार हे जवळपास निश्चिक आहे. नोटाबंदी,बेरोजगारी या मुद्दावरून वडक्कन यांनी अनेकदा पंतप्रधान नरेंद्र मोदी आणि भाजपवर टीका केली होती. सोनिया गांधी संयुक्त पुरोगामी आघाडीच्या अध्यक्षा असताना वडक्कन हे त्यांचे सचिव म्हणून काम पाहात होते. गांधी कुटुंबातील इतका जवळचा नेता भाजपमध्ये गेल्याने काँग्रेसमधल्या अनेकांना आश्चर्य वाटलं आहे.
Delhi: Congress leader Tom Vadakkan joins Bharatiya Janata Party in presence of Union Minister Ravi Shankar Prasad. pic.twitter.com/7AtbF2QfHj
— ANI (@ANI) March 14, 2019
वडक्कन यांनी प्रवेश झाल्यानंतर पत्रकारांशी बोलताना सांगितलं की हिंदुस्थानावर दहशतवादी हल्ला झाल्यानंतर काँग्रेसची प्रतिक्रिया ऐकून मी व्यथित झालो. जेव्हा माझ्या पक्षाने(काँग्रेसने) देशाच्या विरोधात भूमिका घेतली तेव्हा माझ्यासमोर पक्ष सोडण्याशिवाय दुसरा पर्याय उरला नव्हता अशी प्रतिक्रिया वडक्कन यांनी दिली आहे.
Tom Vadakkan: I left Congress party because when Pakistani terrorists attacked our land, my party’s reaction to it was sad, it hurt me deeply. If a political party takes such a position that is against the country then I’m left with no option but to leave the party. pic.twitter.com/8oZYoFRGx4
— ANI (@ANI) March 14, 2019
भाजपमध्ये प्रवेश केल्यानंतर वडक्कन यांनी काँग्रेसमधील घराणेशाहीवर देखील टीका केली. वडक्कन यांना काँग्रेसने आजपर्यंत काही महत्वाची पदे आणि जबाबदारी दिली आहे. ते काँग्रेसचे राष्ट्रीय प्रवक्ते होते, याशिवाय अखिल भारतीय काँग्रेसचे ते महासचिव देखील होते. रोम कॅथलिक समुदायाच्या वडक्कन यांचा केरळमध्ये जनाधार चांगला आहे. यामुळे वडक्कन यांना उमेदवारी देऊन त्यांच्या जनाधाराचा पक्षासाठी फायदा उचलण्याचा भाजपचा प्रयत्न आहे.
