आसाममधील बासुगावमध्ये सोमवारी एका पत्रकाराने दुचाकीवर आलेल्या दोन पोलिसांना हेल्मेट न घालण्याबाबत विचारले असता, ते संतप्त झाले आणि त्यांनी पत्रकाराला हाणामारी करण्यास सुरुवात केली. घटनेची माहिती मिळताच पोलीस प्रशासनाने दोन्ही आरोपी पोलीस हवालदारांविरुद्ध एफआयआर नोंदवला आहे.
एका पत्रकाराने ‘हेल्मेट का घातले नाही’, असा सवाल केला, तेव्हा पोलीस कर्मचाऱ्याला राग आला, त्याने शिवीगाळ आणि मारहाण करण्यास सुरुवात केली.
पोलीस प्रशासनाने दोन्ही आरोपी पोलीस हवालदारांविरुद्ध एफआयआर दाखल केला आहे.
आसाममधील बासुगावमध्ये सोमवारी एका पत्रकाराने दुचाकीवर आलेल्या दोन पोलिसांना हेल्मेट न घालण्याबाबत विचारले असता, ते संतप्त झाले आणि त्यांनी पत्रकाराशी गैरवर्तन करण्यास सुरुवात केली. घटनेची माहिती मिळताच पोलीस प्रशासनाने दोन्ही आरोपी पोलीस हवालदारांविरुद्ध एफआयआर नोंदवला आहे.
एएनआय या वृत्तसंस्थेशी बोलताना पत्रकार जयंत देबनाथ म्हणाले, “हेल्मेट न घातलेले दोन पोलिस कर्मचारी, दुचाकीवरून प्रवास करत होते. माझा दोष एवढाच होता की मी त्यांना विचारले की याने सर्वसामान्यांना काय संदेश जाईल? त्यांनी मला शिवीगाळ केली आणि मारहाण केली. मी पत्रकार आहे असे मी त्यांना सांगितले तेव्हा ते आणखी संतापले.
देबनाथ म्हणाले, “आसाममधील पोलिसांना मोकळे हात देण्यात आले आहेत आणि ते त्याचा गैरवापर करत आहेत. मला आसाम सरकारला सांगायचे आहे की तुम्ही कायदे बनवता आणि तुमचेच लोक ते मोडतात. मी सरकारला त्वरीत कारवाई करण्याची विनंती करतो. ही घटना रात्रीच्या वेळी झाली असती तर त्यांनी मला गोळ्या घातल्या असत्या. पोलिसांच्या वागण्याने मी हैराण झालो आहे.”
दरम्यान, चिरंगचे पोलीस उपअधीक्षक (डीएसपी) लाबा कृ डेका यांनी याप्रकरणी आवश्यक कायदेशीर कारवाई केली जात असल्याची खात्री दिली. ते म्हणाले, “जयंत देबनाथ यांनी दोन हवालदारांविरुद्ध केलेल्या एफआयआरच्या आधारे, आम्ही याप्रकरणी आवश्यक ती कारवाई करत आहोत. आम्ही दोन हवालदारांना ‘लॉक’ केले आहे.” याप्रकरणी पुढील तपास सुरू आहे.
