नांदेडच्या शासकीय रुग्णालयात आणि संभाजीनगरातील घाटी रुग्णालयात मृत्यूचे तांडव पाहायला मिळाले. या घटनांपाठोपाठ नागपुरातील शासकीय रुग्णालयातही मृत्यूचे थैमान घातले आहे. इथल्या नागपूर वैद्यकीय महाविद्यालय आणि इंदिरा गांधी शासकीय वैद्यकीय महाविद्यालय व रुग्णालयात 24 तासांत 25 रुग्णांचा मृत्यू दगावल्याचे वृत्त आहे. मिळालेल्या माहितीनुसार, मृत रुग्णांमध्ये 16 रुग्ण शासकीय वैद्यकीय महाविद्यालयातील आणि 9 रुग्ण इंदिरा गांधी शासकीय वैद्यकीय महाविद्यालयातील आहेत. 25 पैकी 12 रुग्णांना अत्यवस्थ अवस्थेत खासगी रुग्णालयातून सरकारी रुग्णालयात हलवण्यात आले होते.
