अमेरिकेचे राष्ट्राध्यक्ष अध्यक्ष जो बायडेन यांनी नवीन विधान करून खळबळ उडवून दिली आहे. हिंदुस्थान, चीन, जपान आणि रशियाच्या आर्थिक विकासाला धक्का बसल्याचं विधान आणि त्यामागील कारण सांगत त्यांनी नव्या वादाला तोंड फोडलं आहे.
“झेनोफोबिक” म्हटले आहे आणि या देशांच्या आर्थिक विकासाला धक्का देणारा “झेनोफोबिया” असल्याचे म्हटले आहे. बिडेन यांनी भारतासह देशांनी स्थलांतरितांना स्वीकारले नाही असे सुचविणारी टिप्पणी केली.
अमेरिकेची अर्थव्यवस्था चांगल्या स्थितीत असून वाढता आलेख असल्याचा दावा जो बायडेन यांनी केला आहे. यानंतर बोलताना बायडेन यांनी चीन, रशिया, जापान आणि हिंदुस्थानला म्हणजेच पूर्वेकडील राष्ट्रांमध्ये आर्थिक विकास कसा मंदावला आहे हे मांडण्याचा प्रयत्न केला आहे.
‘आमच्या अर्थव्यवस्थेच्या वाढीचे एक कारण तुमच्यामुळे आणि इतर अनेकांमुळे आहे. का? कारण आम्ही स्थलांतरितांचे स्वागत करतो’, असं मत बायडेन यांनी व्यक्त केलं आहे.
बायडेन म्हणाले की, ‘चीन आर्थिकदृष्ट्या इतक्या वाईट अवस्थेत का अडकला आहे, जपान का अडचणीत आहे, रशिया का आहे? हिंदुस्थान का आहे? कारण ते ‘झेनोफोबिक’ आहेत. त्यांना स्थलांतरित नको आहेत. स्थलांतरितांमुळेच आमचा आर्थिक विकास होत असून आणि अर्थव्यवस्था मजबूत बनवते’, असं बायडेन म्हणाले.
आंतरराष्ट्रीय नाणेनिधी (IMF) ने 2023 च्या तुलनेत 2024 मध्ये जागतिक आर्थिक मंदीचा अंदाज वर्तवला आहे.
IMF ने देखील युनायटेड स्टेट्ससाठी 2.7% विकास दराचा अंदाज वर्तवला आहे, जो मागील वर्षातील 2.5% दरापेक्षा थोडी सुधारणा आहे. अर्थशास्त्रज्ञांनी या अपेक्षेपेक्षा चांगल्या कामगिरीचे श्रेय स्थलांतरातून देशाच्या श्रमशक्तीच्या विस्ताराला दिल्याचं रॉयटर्सनं वृत्तात म्हटलं आहे.
