हिंदुस्थानी लष्करानं रविवारी स्पष्ट केलं आहे की अग्निवीर अमृतपाल सिंग यांनी ड्युटीवर असताना स्वतःवर गोळी झाडून आत्महत्या केली त्यामुळे लष्करी सन्मानात त्यांच्यावर अंत्यसंस्कार करता येत नाही. कारण आत्महत्येतून झालेल्या मृत्यूवेळी असे सन्मान दिले जात नाहीत.
अग्निपथ योजनेच्या अंमलबजावणीपूर्वी किंवा नंतर सैन्यात सामील झाले की नाही यावर आधारित ते सैनिकांमध्ये फरक करत नाही, असं लष्करानं ठळक शब्दात म्हटलं आहे.
सिंग अग्निवीर सैनिक असताना देखील त्यांच्या अंत्यसंस्कारावेळी लष्करी सन्मान देण्यात आला नाही, असा आरोप करण्यात आला होता.
लष्कराच्या नगरोटा-मुख्यालय असलेल्या व्हाईट नाइट कॉर्प्सने शनिवारी सांगितलं की, राजौरी सेक्टरमध्ये सेन्ट्री ड्युटीवर असताना स्वत:हून झाडलेल्या बंदुकीच्या गोळीमुळे सिंग यांचा मृत्यू झाला.
रविवारी रात्री एका निवेदनात लष्करानं सांगितलं की, सिंग यांच्या दुर्दैवी मृत्यूशी संबंधित तथ्यांबाबत काही ‘गैरसमज आणि चुकीचे चित्रण’ झाले आहे.
सेन्ट्री ड्युटीवर असताना अग्निवीर अमृतपाल सिंग यांनी स्वत:वर गोळी झाडून आत्महत्या केली हे कुटुंबाचे आणि देशाच्या लष्कराचे मोठे नुकसान आहे, असं देखील लष्करानं म्हटलं आहे.
‘सध्याच्या प्रथेनुसार, वैद्यकीय-कायदेशीर प्रक्रिया पार पाडल्यानंतर, अंत्यसंस्कारासाठी एका एस्कॉर्ट पार्टीसह लष्कराच्या व्यवस्थेनुसार मृतदेह त्यांच्या मूळ ठिकाणी नेण्यात आला’, असंही त्यात म्हटलं आहे.
लष्करानं सांगितलं की, सशस्त्र दल अग्निपथ योजनेच्या अंमलबजावणीपूर्वी किंवा नंतर सामील झालेल्या सैनिकांमध्ये पात्र लाभ आणि प्रोटोकॉलच्या संदर्भात फरक करत नाही.
