आंध्र प्रदेशमधील चित्तूर येथे रविवारी बर्निंग ट्रेनचा थरार पहायला मिळाला. धावत्या रेल्वेला आग लागल्याने प्रवाशांमध्ये घबराट पसरली. सुदैवाने आग जास्त पसरली नाही आणि प्रवाशांनी सुटकेचा निश्वास सोडला.
बंगळुरू-हावडा एक्सप्रेसच्या (Bangalore-Howrah Express) एसी बोगीमध्ये अचानक आग लागल्याने हडकंप उडाला. आग लागताच प्रवाशांनी आरडा-ओरडा सुरू केला. याची माहिती मिळताच रेल्वे पोलिसांनी आणि प्रशासनाच्या अधिकाऱ्यांनी धाव घेत आगीवर नियंत्रण मिळवले.
रेल्वेने दिलेल्या माहितीनुसार, सर एम विश्वेश्वरैया टर्मिनल-हावडा दुरंतो एक्सप्रेसमध्ये ही आगीची घटना घडली. ही एक्सप्रेस चित्तूर जिल्ह्यातील कुप्पन रेल्वे स्थानकावर पोहोचल्यावर एस-9 एसी कोचला आग लागली. आग भडकलेली दिसताच प्रवाशांनी सामानासह गाडीतून बाहेर धाव घेतली. त्यानंतर रेल्वे प्रशासनाने आगीवर नियंत्रण मिळवल्याने हानी टळली.
Chittoor, Andhra Pradesh | Local police rushed to rescue passengers after a fire broke out in a bogie of the Bangalore – Howrah express train. No casualties have yet been reported. Fire is being doused. Further details awaited pic.twitter.com/gO4XVFxSod
— ANI (@ANI) November 27, 2022
दरम्यान, प्राथमिक तपासाअंती ब्रेक ब्लॉकमध्ये घर्षण झाल्याने आग भडकल्याचे निदर्शनास आले आहे. यामुळे ब्रेक बायडिंग आणि धूरही पाहायला मिळाला.
