सलमान खान आणि माध्यमांमधील तू तू मैं मैं हे काही नवीन नाही. नुकताच सलमान एका कार्यक्रमात दिसला. मुंबईतील एसआरए कार्यालयातील कार्यक्रमात सलमान खान कृश आणि थकलेला दिसल्याचा व्हिडिओ सोशल मीडियावर व्हायरल झाल्यानंतर त्याच्या आरोग्याबाबत चाहत्यांमध्ये चिंता व्यक्त केली जात होती. या सर्व चर्चांना सलमानने नेहमीच्या मिश्किल शैलीमध्येच उत्तर दिले. त्याने उत्तर दिल्याक्षणी पुन्हा एकदा प्रश्न उत्तरांना सुरूवात झाली.
बॉलिवूडचा भाईजान पुन्हा एकदा सोशल मीडियावर चर्चेत आला आहे. मात्र, यावेळी त्याच्या चित्रपटामुळे नव्हे, तर त्याच्या आरोग्याबाबत सुरू असलेल्या चर्चांमुळे. मुंबईतील झोपडपट्टी पुनर्वसन प्राधिकरण (एसआरए) कार्यालयातील एका कार्यक्रमात सलमानची उपस्थिती पाहिल्यानंतर अनेक चाहत्यांनी तो पूर्वीपेक्षा अधिक कृश आणि थकलेला दिसत असल्याची प्रतिक्रिया दिली होती.
या चर्चांदरम्यान सलमानने इन्स्टाग्रामवर काही फोटो शेअर करत, “आप लोगों की तबियत कैसी है?” असे कॅप्शन दिले. आपल्या खास मिश्किल शैलीत केलेल्या या पोस्टमुळे त्याने आरोग्याविषयी सुरू असलेल्या चर्चांवर अप्रत्यक्षपणे उत्तर दिल्याचे मानले जात आहे. सलमानच्या या पोस्टवर चाहत्यांनी मोठ्या प्रमाणात प्रतिक्रिया दिल्या. अभिनेत्री माही विजनेही हसणाऱ्या इमोजीसह “खूपच छान” अशी कमेंट केली. अनेक चाहत्यांनी सलमानच्या विनोदी स्वभावाचे कौतुक केले, तर काहींनी त्याला स्वतःच्या तब्येतीची काळजी घेण्याचा सल्लाही दिला. असे वृत्त एनडीटीव्ही ने दिले आहे.
View this post on Instagram
याआधी एसआरएच्या नव्या डेटा संकलन व पडताळणी सहाय्यता केंद्राच्या उद्घाटनासाठी सलमान उपस्थित होता. यावेळी त्याने लाभार्थ्यांना घरांच्या चाव्याही सुपूर्द केल्या. मात्र, कार्यक्रमापेक्षा त्याच्या बदललेल्या लूकचीच सोशल मीडियावर अधिक चर्चा झाली. व्हायरल व्हिडिओवर अनेकांनी चिंता व्यक्त केली होती. “तो आजारी दिसतोय,” “भाईला काय झालं?”, “माझा हिरो म्हातारा होत आहे,”** अशा प्रतिक्रिया सोशल मीडियावर पाहायला मिळाल्या.
सलमान खान लवकरच ‘मातृभूमी: मे वॉर रेस्ट इन पीस’ या चित्रपटात झळकणार आहे. अपूर्व लाखिया दिग्दर्शित या चित्रपटाची निर्मिती सलमा खान यांनी केली असून, चित्रांगदा सिंग, मुकेश ऋषी आणि अंकुर भाटिया यांच्याही यात महत्त्वाच्या भूमिका आहेत. चित्रपटाच्या प्रदर्शनाची नवी तारीख अद्याप जाहीर करण्यात आलेली नाही.
