सतत खोटारडेपणा करून निवडणुका जिंकता येत नाहीत, कपिल सिब्बल यांचा भाजपवर निशाणा

सामना ऑनलाईन
|
बातमी शेअर करा :
सामना फॉलो करा

कर्नाटक विधानसभा निवडणुकांचे निकाल शनिवारी जाहीर झाले. या निवडणुकीत भाजपचा सपशेल पराभव झाला आणि 224 पैकी तब्बल 136 जागा जिंकत काँग्रेस पक्षाला दणदणीत बहुमत मिळालं. तर भाजपला अवघ्या 65 जागा मिळाल्या. या निकालानंतर ज्येष्ठ विधिज्ञ कपिल सिब्बल यांनी भाजपवर निशाणा साधला आहे.

कपिल सिब्बल यांनी ट्वीट करून भाजपवर टीका केली आहे. ते म्हणाले की, कर्नाटक निवडणुका जिंकणं जितकं कठीण आहे, त्याहून कठीण लोकांचं मन जिंकणं आहे. पुढील पाच वर्षांसाठी मुक्त विचारांचे, इमानदार आणि समान वागणूक देऊन लोकांचं मन जिंका. भाजपकडे यातील काहीही नसल्याने ते हरले आहेत, असं ट्वीट सिब्बल यांनी केलं आहे.

अजून एक ट्वीट करून त्यांनी पंतप्रधान नरेंद्र मोदींवरही निशाणा साधला आहे. सिब्बल म्हणाले की, पंतप्रधान हरले, कर्नाटकची जनता जिंकली. जनतेने 40 टक्के, द केरळ स्टोरी, फुटीर राजकारण, अहंकार, खोटारडेपणा हे सगळं करून निवडणूक जिंकता येत नाही हे दाखवून दिलं. काँग्रेसच या विजयाला सुपात्र होती, असं ट्वीट कपिल सिब्बल यांनी केलं आहे.

संबंधित बातम्या या पब्लिशरकडून आणखी