- मेथी धुतल्याकर थोडं मीठ लावून ठेवा.
- तांदूळ शिजवताना लिंबाचा रस घाला. तो पांढरा होतो.
- रस्सा दाट, स्वादिष्ट होण्यासाठी दाण्याचं कूट, नारळाचा चव मिक्सरमधून काढून रश्श्यात घालावा.
- कुठलीही भाजी कमी पाण्यात शिजवावी, चविष्ट होते.
- वरणासाठी डाळ शिजवताना एक चमचा मेथीची पुरचुंडी करून ठेवावी.
- भांड्याला कांद्याचा वास लागला असेल तर ते भांडे थोडा वेळ मिठाच्या पाण्यात ठेवावे.
- पुलाव करताना संत्र्याच्या सालीचं चूर्ण मिसळा. यामुळे पुलावला सुगंध प्राप्त होतो.
- सॅलेड बनवण्याआधी भाज्या आणि फळं फ्रिजमध्ये ठेवा. मनासारख्या कापता येईल.
- हाताला मसाल्याचा वास जावा म्हणून त्यावर कच्चा बटाटा किंवा लिंबू चोळा.
- हिरव्या पालेभाज्या लोखंडी कढईत शिजवा. त्यात लोहाचे प्रमाण वाढते.
- पुरीसाठी पीठ मळताना त्यात थोडं दूध व बेसन मिसळा. पुर्या खुसखुशीत बनतील.
- मसालेदार पदार्थांची करी घट्ट करण्यासाठी त्यात तिळाच्या पेस्टचा वापर करा.
