लोकसभा निवडणुकीचे बिगूल वाजल्यापासून देशभरात आचारसंहिता लागू झाली आहे. त्यानंतर देशभरातील पक्षांच्या कार्यालयांवरील नावं चिन्ह झेंडे झाकण्यात येतात.आचारसंहिता लागू झाल्यानंतर सर्व पक्ष कार्यालयांवरील नावं व चिन्ह, नेत्यांचे फोटो झाकण्यात आले आहेत. मात्र ठाण्यातील भाजपच्या कार्यालयाकडून मात्र आचारसंहितेचे उल्लंघन होत असल्याचे समोर आले आहे. ठाण्यातील भाजपच्या कार्यालयावरील नाव चिन्ह तसंच असून त्याच ठाण्यातील काँग्रेसच्या कार्यालयावरील नेत्यांचे फोटो, नाव व चिन्हावर वर्तमान पत्र चिकटवून ते झाकण्यात आले आहे.
Shameless @ECISVEEP pic.twitter.com/hzjIrePHeD
— Dr.Jitendra Awhad (@Awhadspeaks) April 13, 2024
राष्ट्रवादी काँग्रेस शरदचंद्र पवार पक्षाचे आमदार जितेंद्र आव्हाड यांनी भाजप व काँग्रेसच्या ठाण्यातील पक्ष कार्यालयाचे फोटो शेअर करत निवडणूक आयोगावर टीका केली आहे. आव्हाड यांनी निर्लज्ज अशा एका शब्दात निवडणूक आयोगावर सडकून टीका केली.
