मलेशियामध्ये दोन नौदलाच्या हेलिकॉप्टरची आकाशात टक्कर होऊन किमान 10 जणांचा मृत्यू झाला. लुमुट नौदल तळावर मंगळवारी सकाळी 9.32 वाजता ही घटना घडली.
मिळालेल्या माहितीनुसार, हेलिकॉप्टर रॉयल मलेशियन नेव्ही परेडसाठी प्रशिक्षण कवायती करत असताना ही टक्कर झाली.
सोशल मीडियावरील व्हिडीओंमध्ये लुमुट नौदल तळावर टक्कर झाल्याचा क्षण कैद झाला आहे.
एका निवेदनात, नौदलानं अपघातात सहभागी विमानातील सर्व 10 क्रू सदस्यांच्या मृत्यूची पुष्टी केली, अशी बातमी रॉयटर्सने दिली.
‘सर्वांचा घटनास्थळी मृत्यू झाला असून त्यांची ओळख पटवण्यासाठी लुमुट आर्मी बेस हॉस्पिटलमध्ये पाठवण्यात आले’, अशी माहिती नौदलानं दिली आहे.