सामना ऑनलाईन । इस्लामाबाद
पुलवामा हल्ल्यानंतर हिंदुस्थानच्या हवाई हल्ल्यामुळे पाकिस्तानचे धाबे दणाणले आहे. जागतिक स्तरातून देखील हिंदुस्थानला पाठिंबा मिळत आहे. अखेर या दबावापुढे पाकिस्तान झुकला असून मंगळवारी जैश-ए-मोहम्मदचा म्होरक्या मसूद अजहरच्या भावासह 44 दहशतवाद्यांना अटक करण्यात आली आहे. पाकिस्तानचे माहिती व तंत्रज्ञान मंत्री शेहरयार अफिरी यांनी पत्रकार परिषदेत ही माहिती दिली.
Pakistan’s Dunya News: 44 members of banned outfits arrested, says Interior Ministry.
— ANI (@ANI) March 5, 2019
Interior Minister @ShehryarAfridi1 announced that 44 members of banned outfits including Mufti Abdul Rauf (brother of Masood Azhar )arrested Pakistan taking this action not on foreign pressure but in our interest this action will continue for two weeks
— Hamid Mir (@HamidMirPAK) March 5, 2019
पुलवामा हल्ला व एअर स्ट्राईकनंतर हिंदुस्थानकडून पाकिस्तानवर मोठ्या प्रमाणात दबाव टाकला जात आहे. त्यामुळेच पाकिस्तानने दहशतवाद्यांवर कारवाई केली आहे. पाकिस्तानात आज क्रॅकडाऊन कारवाई करत वेगवेगळ्या भागातून 44 दहशतवाद्यांना अटक केली आहे. यात मौलाना मसूद अजहरचा भाऊ मुफ्ती अब्दूर रौफ व हमाद अजहर यांचा देखील समावेश आहे. ही कारवाई अद्याप सुरू असून आणखी दहशतवाद्यांना अटक करण्यात येऊ शकते.
