राजस्थानच्या बाडमेर येथे हिंदुस्थानी हवाई दलाचे विमान आज कोसळले. हवाई दलाचे मिग-21 बाइसन लढाऊ विमान अपघातग्रस्त झाले आहे. दिलासा देणारी बाब म्हणजे अपघातातून वैमानिक सुखरूप बचावला आहे. प्रशिक्षणादरम्यान हे विमान कोसळल्याची माहिती मिळाली आहे.
#BREAKING
Air Force MiG-21 Bison crashed in Barmer or Rajasthan, fourth crash this year pic.twitter.com/PZi8OSTXG2— Rishikesh Kumar (@rishhikesh) August 25, 2021
राजस्थानच्या बाडमेर जिह्यापासून 35 कि.मी. दूर असलेल्या मातसर गावाजवळ संध्याकाळी 5च्या सुमारास हवाई दलाचे मिग विमान कोसळले. मिळालेल्या माहितीनुसार वैमानिक सुरक्षित आहे. बाडमेरचे पोलीस अधीक्षक आनंद शर्मा यांनी सांगितले की, मिग क्रॅश झाल्याची माहिती मिळाली आहे. त्यानंतर पोलीस प्रशासनाचे पथक आणि अग्निशमन दलही घटनास्थळी दाखल झाले. गावकऱयांनी कोसळलेल्या विमानाला लागलेली आग पाण्याच्या टँकर्सच्या मदतीने विझवल्याचे वृत्त आहे.
