मराठी विज्ञान परिषदेचा ५५ वा वर्धापन दिन रविवार, २५ एप्रिल रोजी सकाळी १० वाजता साजरा होणार आहे. ज्येष्ठ वैज्ञानिक डॉ. अरविंद रानडे या कार्यक्रमाचे प्रमुख पाहुणे असून ते ‘विज्ञानाच्या दृष्टीतून – आत्मनिर्भर हिंदुस्थान’ या विषयावर बोलतील. या कार्यक्रमात परिषदेतर्फे देण्यात येणारे विज्ञान प्रसार पुरस्कार, कृषी पुरस्कार, उत्तम विज्ञान पुस्तक इत्यादी पुरस्कार व पारितोषिकाचे वितरण तसेच दोन ई-पुस्तकांचे प्रकाशन होणार आहे. स्मिता पोतनीस विज्ञान कथाकथन तर धनश्री करमरकर विज्ञानकथा वाचन करतील. विज्ञान परिषदेचे https://mavipa.org या संकेतस्थळावर हा कार्यक्रम बघता येईल.
