नीट यूजी 2026 पेपरफुटीप्रकरणी केंद्रीय अन्वेषण ब्यूरो (सीबीआय) ची धडक कारवाई सुरू असतानाच केंद्रीय माध्यमिक शिक्षण मंडळाच्या निकालाचा भोंगळ कारभार समोर आला आहे. यावरून आता राजकीय वातावरण तापत असून लोकसभेचे विरोधी पक्षनेते राहुल गांधी यांनी सीबीएसई निकालात मोठा फेरफार झाल्याचा आरोप केला आहे. यामुळे देशातील लाखो विद्यार्थी आणि त्यांचे पालक मानसिक धक्क्यात असल्याचा दावा करत त्यांनी केंद्र सरकार आणि पंतप्रधान नरेंद्र मोदी यांच्यावर जोरदार निशाणा साधला आहे. नेहमीप्रमाणेच याही वेळी सरकारकडे ना उत्तर आहे, ना जबाबदारी, ना लाज, अशा शब्दांत राहुल गांधींनी एक्सवरून संताप व्यक्त केला.
निकाल प्रक्रियेची जबाबदारी दिलेल्या कंपनीच्या पार्श्वभूमीवर राहुल गांधी यांनी गंभीर प्रश्न उपस्थित केले आहेत. ज्या COEMPT कंपनीला हे कंत्राट देण्यात आले, ती कंपनी पूर्वी Globarena या नावाने कार्यरत होती. 2019 मध्ये तेलंगणामध्येही या कंपनीने असाच कारभार केला होता, ज्यामुळे मोठा वाद निर्माण झाला होता, असा दावा राहुल गांधी यांनी केला. तसेच हा प्रकार म्हणजे केवळ एक चूक नसून, एक विचारपूर्वक रचलेला कट असल्याचा आरोपही राहुल गांधी यांनी केला.
CBSE परीक्षा परिणाम में भयंकर हेर-फेर हो गई जिससे देश के लाखों बच्चे और उनके माता-पिता सदमे में हैं।
और मोदी जी? हमेशा की तरह – न जवाब, न ज़िम्मेदारी, न शर्म।
जिस कंपनी COEMPT को यह ज़िम्मेदारी मिली, वह पहले Globarena के नाम से तेलंगाना में 2019 में यही कारनामे कर चुकी है।
नाम… pic.twitter.com/bJlxlJ7Npe
— Congress (@INCIndia) May 27, 2026
राहुल गांधी म्हणाले, नाव बदलले पण नियत तीच, प्रवृत्ती तीच. इतिहास माहीत असूनही हे कंत्राट देण्यात आले. अशा कंपनीच्या हाती 18.5 लाख मुलांचे भविष्य सोपवले गेले आणि कोणालाच काही फरक पडला नाही. ही चूक नाही, तर हा एक विचारपूर्वक रचलेला कट आहे.
COEMPT कंपनीला CBSE चे कंत्राट का आणि कोणाच्या सांगण्यावरून देण्यात आले? या कंपनीला कंत्राट देताना कोणकोणते नियम आणि प्रक्रिया डावलण्यात आल्या? ही कंपनी पूर्वी Globarena या नावाने वादात सापडली होती, तर मग CBSE ला हे का माहीत नव्हते? कंपनीची पार्श्वभूमी का तपासली गेली नाही? COEMPT चे व्यवस्थापन आणि मोदी सरकार यांच्यात नेमके काय संबंध आहेत? असा चार तिखट प्रश्नही राहुल गांधी यांनी सरकारला विचारले.
न्यायालयीन चौकशी आणि SIT स्थापन करण्याची मागणी
दरम्यान, हा संपूर्ण प्रकार म्हणजे एक मोठा घोटाळा असल्याचे सांगत राहुल गांधी यांनी या प्रकरणाच्या मुळाशी जाण्यासाठी आणि खऱ्या दोषींना समोर आणण्यासाठी तातडीने स्वतंत्र न्यायालयीन चौकशी आणि विशेष तपास पथक स्थापन करण्याची मागणी केली आहे.
उत्तरपत्रिका मागणाऱ्या विद्यार्थ्याला ट्रोलर्सने ठरवले ‘पाकिस्तानी’, अखेर सीबीएसईने चूक केली मान्य
