सामना ऑनलाईन, नवी दिल्ली
लोकसभा उमेदवारांची भाजपने दुसरी यादी प्रसिद्ध केली असून यामध्ये 4 विद्यमान खासदारांचा पत्ता कट करण्यात आला आहे. पुण्यामधून भाजपने अनिल शिरोळे यांच्या जागी अन्न आणि नागरी पुरववठामंत्री गिरीश बापट यांना उमेदवारी दिली आहे.
BJP releases another list of its 36 candidates for the ensuing #LokSabhaElections2019 . It announced the names of 23 candidates for Andhra Pradesh, six candidates for Maharashtra , five for Odisha and one each for Assam & Meghalaya. pic.twitter.com/XGHHEwoOMK
— All India Radio News (@airnewsalerts) March 22, 2019
भाजपच्या दुसऱ्या यादीमध्ये आंध्र प्रदेश, आसाम, महाराष्ट्र आणि ओदिशामधील उमेदवारांचा समावेश आहे. महाराष्ट्रातील 6 उमेदवारांची नावे या यादीमध्ये समाविष्ट करण्यात आली आहेत. भाजपने आत्तापर्यंत महाराष्ट्रातील 16 उमेदवारांची नावे जाहीर केली आहेत.
The Central Election Committee of Bharatiya Janata Party has released the 2nd and 3rd list of candidates with 1 and 36 candidates respectively for the ensuing General Elections to the Parliamentary Constituency of different States. The list is available at https://t.co/e4p2u9v3Hc pic.twitter.com/nYKnvsMbIA
— BJP (@BJP4India) March 22, 2019
यांना मिळाली संधी
- जळगांव- स्मिता उदय वाघ (विद्यमान खासदार ए.टी.पाटील यांचा पत्ता कट)
- नांदेड- प्रताप पाटील-चिखलीकर
- दिंडोरी- भारती पाटील (विद्यमान खासदार हरिश्चंद्र चव्हाण यांचा पत्ता कट)
- पुणे- गिरीश बापट – (विद्यमान खासदार अनिल शिरोळे यांचा पत्ता कट)
- बारामती- कांचन कुल – (आमदार राहुल कुल यांच्या पत्नी)
- सोलापूर- जयसिद्धेश्वर स्वामी (विद्यमान खासदार शरद बनसोडे यांचा पत्ता कट)
पुण्यामध्ये खासदारकीचे तिकीट मिळवण्यासाठी संजय काकडे यांनी बरीच धडपड केली होती. त्यांनी काँग्रेसमध्ये जाण्याची धमकीही दिली होती. मात्र मुख्यमंत्री देवेंद्र फडणवीस यांनी त्यांना समजावत काँग्रेसच्या दारातून परत आणलं होतं. या मतदारसंघात बापट यांना उमेदवारी देण्याबाबत गेले अनेक दिवस चर्चा सुरू होती. बापट यांच्या नावाला काकडे यांचा विरोध होता. ज्यामुळे पुणे भाजपमध्ये धुसफूस सुरू होती. मुख्यमंत्र्यांनी मध्यस्थी केल्यानंतर काकडे यांनी तलवारी म्यान केल्या आणि बापट यांची उमेदवारी घोषित होण्याचा मार्ग मोकळा झाला.
भाजपच्या मध्यवर्ती निवडणूक समितीची शुक्रवारी रात्री उशिरापर्यंत बैठक सुरू होती. या बैठकीनंतर भाजपने त्यांच्या एकूण 36 उमेदवारांची यादी प्रसिद्ध केली. ईशान्य मुंबईचा उमेदवार भाजपने अध्याप जाहीर केलेला नाहीये. ज्या नावांची पहाटे 2 वाजता घोषणा करण्यात आली त्यामध्ये जळगाव येथून स्मिता उदय वाघ, नांदेड येथून प्रताप पाटील चिखलीकर, दिंडोरी येथून डॉ. भारती पवार, पुण्यामधून गिरीश बापट, बारामती येथून कांचन राहुल कूल आणि सोलापूर येथून जयसिद्धेश्वर स्वामी यांचा समावेश आहे.
भाजपने जाहीर केलेल्या यादीमध्ये भाजपाचे प्रवक्ते संबित पात्रा यांना ओडिशामधील पुरी येथून तर भाजपाचे ओडिशामधील प्रदेशाध्यक्ष बसंतकुमार पांडा यांना कालाहांडी मतदारसंघातून उमेदवारी देण्यात आली आहे.
