बिग बॉस 16 चा स्पर्धक शालीन भनोट हा त्याच्या खासगी आयुष्यामुळे कायम चर्चेत राहिला आहे. शालीनचे अभिनेत्री दलजीत कौरसोबत लग्न झाले होते. मात्र लग्नाच्या चार वर्षातच दलजीत व शालीनचा घटस्फोट झाला. दलजीतने शालीनवर घरगुती हिंसाचाराचा आरोप केलेला. या दोघांना एक मुलगाही आहे.
शालीनने कायम त्याच्या या नात्याबद्दल मौन बाळगलं आहे. त्याने बिग बॉसच्या घरातही कधी त्याच्या व दलजीतच्या नात्याबद्दल चकार शब्द काढला नाही. दरम्यान दलजीतने अनेकदा त्याला सोशल मीडियावरून सपोर्ट केला. मात्र सोबतच दलजितने ती व शालीन मित्र नसल्याचेही स्पष्ट केले होते.
View this post on Instagram
दरम्यान दोन आठवड्यांपूर्वी सलमान खानने दलजित लग्न करणार असल्याचे शालीनला सांगितले होते. अखेर आज दलजितने देखील तिने साखरपुडा केल्याचे सांगितले आहे. दलजितने 3 जानेवारीला नेपाळ येथे ब्रिटनमध्ये राहणाऱ्या निखील पटेलसोबत साखरपुडा केला असून ती मार्चमध्ये त्याच्यासोबत लग्न करणार आहे. त्यानंतर ती कायमची लंडनला स्थायिक होणार आहे. ती स्वत:सोबत मुलाला देखील घेऊन जाणार आहे. ही गोष्ट अद्याप शालीनला माहित नसल्याचे समजते.
