सामना ऑनलाइन | नवी दिल्ली
अभिनेता राहुल बोसकडून दोन केळ्यांसाठी 442 रुपये आकारल्या प्रकरणी जेडब्ल्यू मॅरिएट हॉटेलला तब्बल 25 हजार रुपयांचा दंड ठोठावण्यात आला आहे. राहुलचा ट्विटरवरील व्हिडीओ व्हायरल झाल्यानंतर उत्पादन शुल्क विभागाने या पंचतारांकित हॉटेलवर कारवाई केली आहे. जीएसटीच्या कलम 11 नुसार कर नसलेल्या वस्तूंवर बेकायदेशीररित्या करवसूली केल्याप्रकरणी या हॉटेलवर कारवाई करण्यात आली आहे.
Fine of Rs 25,000 imposed on hotel JW Marriott by Excise and Taxation Department, Chandigarh for violation of section 11 of CGST (illegal collection of tax on an exempted item) in connection with actor Rahul Bose’s tweet over the price of two bananas served to him by the hotel.
— ANI (@ANI) July 27, 2019
अभिनेता राहुल बोस हा सध्या चंदिगढमध्ये एका चित्रपटाचे शूटींग करीत आहे. तेथील पंचतारांकित जेडब्ल्यू मॅरिएट हॉटेलमध्ये तो राहत होता. काही दिवसांपूर्वी त्याने हॉटेलच्या स्टाफकडून दोन केळी मागवली होती. त्या दोन केळ्यांवर चक्क जीएसटी आकारत त्याला तब्बल 442 रुपयांचे बिल पाठविण्यात आले होते. ते बिल बघून तो हबकला. त्यानंतर त्याने याचा एक व्हिडीओ तयार करून सोशल मीडियावर शेअर केला. त्याचा तो व्हिडीओ व्हायरल झाल्यानंतर नेटकऱ्यांनी हॉटेलवर टीकेची झोड उठवली होती.
You have to see this to believe it. Who said fruit wasn’t harmful to your existence? Ask the wonderful folks at @JWMarriottChd #goingbananas #howtogetfitandgobroke #potassiumforkings pic.twitter.com/SNJvecHvZB
— Rahul Bose (@RahulBose1) July 22, 2019
याप्रकरणी उत्पादन शुल्क विभागाचे उपायुक्त मनदीप सिंह ब्रार यांनी जेडब्ल्यू मॅरिएटला 25 हजार रुपयांचा दंड ठोठावला आहे. ‘ताज्या फळांवर जीएसटी आकारणे बेकायदेशीर आहे. त्यामुळे आम्ही या प्रकरणाच्या चौकशीचे आदेश दिले आहेत. उत्पादन व कर विभागाचे सहाय्यक आयुक्कत राजीव चौधरी हे या प्रकरणाचा तपास करणार आहेत’, असे मनदीप सिंह ब्रार यांनी एका इंग्रजी संकेतस्थळाला सांगितले आहे.
