पावसाळा तोंडावर आला असताना नालेसफाई पूर्ण केल्याचे पालिकेच्या डॅशबोर्डवर दिसत असले तरी अनेक नाले अजूनही तुंबलेलेच आहेत. त्यामुळे पालिका प्रशासनाने कठोर पावले उचलण्यास सुरुवात केली असून वांद्रे आणि जुहू येथे नालेसफाईच्या कामात दिरंगाई करणाऱ्या दोन पंत्राटदारांना नुकताच प्रत्येकी एक लाखाचा दंड ठोठावण्यात आला आहे. यामुळे आतापर्यंत हलगर्जी पंत्राटदारांवर केलेल्या दंडात्मक कारवाईचा आकडा आता 55 लाखांवर गेला आहे.
पावसाळा तोंडावर आला असल्यामुळे पालिकेच्या माध्यमातून आयुक्तांसह सर्व वरिष्ठ अधिकारी रस्त्यावर उतरून काम करीत आहेत. यामध्ये महत्त्वपूर्ण असणारी नालेसफाई परिणामकारक करण्याचे निर्देश पंत्राटदारांना देण्यात आले आहेत. तर दिरंगाई करणाऱ्या पंत्राटदारांवर दंडात्मक कारवाई पिंवा काळ्या यादीत टाकण्याची कारवाई करण्याचा इशाराही देण्यात आला होता. तर मुख्यमंत्री एकनाथ शिंदे यांनी ज्या भागात पाणी तुंबेल त्या संबंधित अधिकाऱ्यावर कारवाई करण्याचे आदेश दिले आहेत. त्यामुळे पंत्राटदारांसह अधिकाऱ्यांचेही धाबे दणाणले आहेत. या पार्श्वभूमीवर पालिकेने कामात दिरंगाई करणाऱ्या पंत्राटदारांवर दंडात्मक कारवाई करण्यास सुरुवातही केली आहे. नालेसफाईच्या कामाची आयुक्त, अतिरिक्त आयुक्तांकडून सतत झाडाझडती घेतली जात आहे. त्यामुळे नालेसफाईच्या कामात दिरंगाई करणे कंत्राटदारांना चांगलेच महागात पडले आहे.
असा ठोठावला दंड (लाखांत)
शहर 31 लाख 65 हजार
पूर्व उपनगर 12 लाख 55 हजार
पश्चिम उपनगर 10 लाख 48 हजार
एकूण दंड 54 लाख 68 हजार
