जगभरात थैमान घालणारा कोरोनाचा हिंदुस्थानात शिरकाव झाला आहे. देशात कोरोनाचा प्रसार वेगाने होत असून आतापर्यंत 70 पेक्षा जास्त रुग्ण आढळले आहेत. महाराष्ट्रातही कोरोनाचा शिरकाव झाला असून गुरुवारी पुण्यात आणखी एकाला कोरोनाची लागण झाल्याचे स्पष्ट झाले आहे. त्यामुळे कोरोनाबाधितांची संख्या आता 12 वर पोहोचली आहे. यातील 9 रुग्ण हे पुणे शहरातील असून त्यांच्यावर उपचार सुरू आहे.
अमेरिकेहून 1 मार्च रोजी पुण्यातील नागरिक परत आला होती. यानंतर त्याची तपासणी 11 मार्च रोजी करण्यात आली. रिपोर्ट पॉझिटिव्ह आल्यानंतर त्याला कोरोनाची लागण झाल्याचे स्पष्ट झाले. सध्या त्यांची प्रकृती स्थिर आहे, अशी माहिती विभागीय आयुक्त दीपक म्हैसेकर आणि जिल्हाधिकारी नवल किशोर यांनी दिली आहे.
Naval Kishore Ram, Pune Collector: 1 more person tested positive for #Coronavirus in Pune today, taking the total to 9 positive cases in the city. The person has a travel history of the United States. (File pic) pic.twitter.com/NPE3RWFwbK
— ANI (@ANI) March 12, 2020
नागपुरात एक रुग्ण आढळला
पुणे-मुंबई या शहरात दुबईहून आलेल्या बहुंताश नागरिकांना कोरोनाची लागण झाल्याचे समोर आल्यानंतर नागपूरमध्ये कोरोनाचा आणखी एक रुग्ण आढळला आहे. काही दिवसांपूर्वी अमेरिकेहून परतलेल्या एकाला कोरोनाची लागण झाल्याची पुष्टी झाली असून संबंधित रुग्णावर नागपूरमधील सरकारी रुग्णालयात उपचार सुरु आहेत.
राज्यातील आकडा 12 वर
नागपूरमध्ये कोरोनाचा रुग्ण आढळल्यानंतर कोरोनाबाधितांचा आकडा 11 झाला. गुरुवारी पुण्यात आणखी एक रुग्ण आढळल्याने हा आकडा 12 वर पोहोचला आहे. दरम्यान, कोरोनाच्या पार्श्वभूमीवर पुण्यातील नायडू रुग्णालय, मुंबईतील कस्तुरबा रुग्णालयाप्रमाणेच नागपूरमध्येही आवश्यक ती यंत्रणा उभारण्यात आली असून याच रुग्णालयात या रुग्णावर उपचार सुरु आहेत. मागील तीन दिवसांत राज्यातील कोरोनाची लागण झालेल्यांची संख्या वाढली आहे. आकडा वाढत असला तरी कोरोना बाधित रुग्णांची प्रकृती चिंताजनक नाही. त्यामुळे नागरिकांनी घाबरुन जाऊ नये, असे आवाहन मुख्यमंत्री उद्धव ठाकरे यांच्याकडून देखील करण्यात आले आहे.
Corona virus मुख्यमंत्र्यांनी व्हिडीओ कॉन्फरन्सिंग द्वारे साधला अधिकाऱ्यांशी संवाद
