युजर्सला जाळ्यात ओढण्यासाठी हॅकर्सकडून दरवेळी नवीन मार्ग शोधला जातो. हॅकर्सकडून मायक्रोसॉफ्ट, गुगल या दोन टेक जायंट्सच्या टुल्सचा वापर सर्वात जास्त केला जातोय आणि युजर्सना फसवले जातेय. एका रिपोर्टनुसार, फिशिंग अटॅकसाठी हॅकर्स मायक्रोसॉफ्टला जास्त पसंती देत आहेत. त्याखालोखाल गुगलचा वापर करताहेत. गुगलचा वापर करून हॅकर्सने 11 टक्के फिशिंग अटॅक करण्याचे प्रयत्न केले आहेत. त्याखालोखाल लिंक्डइन, ऍपल, डीएचएल, अमेझॉन, फेसबुक, रोबोक्स, बेल्स फार्गो, एयरबीएनबी अशा टेक कंपन्यांच्या वापर हॅकर्सकडून केला जात असल्याचे समोर आले आहे.
