दारूमुळे होणारे दुष्परिणाम हे आपल्याला सर्वत्र बघायला मिळतात. मात्र भंडारा जिल्ह्यातील या पठ्याने चक्क धान पिकाच्या नर्सरीवर देशी दारूची फवारणी करत परह्याना रोगमुक्त केलं असल्याचे समोर आले आहे. भंडारा जिल्ह्यातील जेवनाळा येथील एका शेतकऱ्याने दारूचा अशाप्रकारे वेगळा वापर केला आहे. भातपिकावर फवारणीसाठी चक्क दारूचा वापर केल्याने पिकाला फायदा झाला असल्याचे शेतकऱ्यांचे म्हणणे आहे.
परिसरात सध्या उन्हाळी धान रोवणीसाठी असलेल्या नर्सरीची देखभाल सुरू आहे. वातावरणातील धुके पडण्याचे प्रमाण वाढल्याने धानाचे पऱ्हे हे पिवळे पडून कीडग्रस्त होत असल्याचे दिसून येत आहे. मात्र रामदास गोंदोळे या युवा शेतकऱ्याने शेतात फवारणी चक्क देसी दारूची फवारणी करत ते रोग मुक्त केले आहे. आता तुम्ही म्हणाल, फवारणीत काय वेगळं? पणं फवारणीत वेगळं काही नाही, फवारणीसाठी म्हणून वापरलं जाणारं किटकनाशक आगळं वेगळं आहे. हे किटकनाशक आहे देशी दारू, देशी दारूचा भातपिकावर फवारणीसाठी वापर केल्याचे सांगत आहेत.
उमेश गोंदोळे यांनी एक पंप फवारणी साठी देशी दारूची 90 मिलीची बाटली व सोबत एक पाव युरिया यांची फवारणी केल्याने धानाची रोपे ही टवटवीत झाली आहेत. त्यामुळे पिकाची चांगली वाढ होऊन ते लवकरच रोवणी योग्य झाले आहेत. कृषीविभागासाठी हा प्रयोग नवा नाही. पण कोणत्याही कृषी विद्यापीठानं पिकांवरील मद्यप्रयोगाला अधिकृत परवानगी दिलेली नाही. पण हा मद्यप्रयोग परिणामकारक असल्याचं कृषीशास्त्रज्ञ सांगतात.
यूट्यूबचा उपयोग करून घेतली माहिती
उन्हाळी धान पिकाची नर्सरी ही दरवर्षी गरव्यामुळे कोमेजून जात होती. अनेक महागड्या औषधांची फवारणी करून त्यांचा परिणाम पाहिजे तसा मिळत नव्हता. यासाठी रामदास गोंडोळे यांनी आपल्या मोबाईल मधील युट्यूबचा उपयोग करून देशी दारू फवारणी केल्याने पीक जोमात येत आल्याची माहिती घेतली व देसी दारू खरेदी करून फवारणी केली. यावेळी मिळालेले परिणाम हे अचंबित करणारे होते. फवारणी केल्यानंतर चार ते पाच सहा दिवसात धान पीक हिरवेगार झाल्याचे शेतकऱ्यांचे म्हणणे आहे. त्यामुळे आता हा देसी जुगाड अनेक शेतकरी वापरताना दिसत आहेत.
धानाची नर्सरी ही थंडी वाढल्यामुळे पिवळी पडून तिची वाढ थांबली होती. यासाठी इतर फवारण्या देखील केल्या, मात्र सुधारणा झाली नाही. देशी दारू व युरिया खताची फवारणी करताच काही दिवसात नर्सरी हिरवीगार होऊन ते रोवणीयोग्य झाले आहेत.
