CoronaVirus मुळे मुंबईतील दलाल स्ट्रीटवर असलेल्या शेअर बाजारात हाहा:कार उडाला आहे. शुक्रवारी शेअर बाजाराचे कामकाज सुरू होताच घसरणीला सुरुवात झाली. लोअर सर्कीट लागल्याने शेअर बाजाराचे काम 45 मिनिटांसाठी थांबवण्यात आले.
आतापर्यंत शेअर बाजाराने फक्त 7 वेळा सर्कीट अनुभवले होते, मात्र सर्कीट म्हणजे काय?
यापूर्वी लोअर सर्कीट लागण्याची परिस्थिती 22 जानेवारी 2008 साली आली होती अशी माहिती माहिती शेअर बाजाराचे अभ्यासक निखील सोमण यांनी दिली आहे.दिवसाची सुरुवात होताच निर्देशांकाने गटांगळ्या खायला सुरुवात केली होती. गेल्या 3 वर्षात पहिल्यांदाच निफ्टीमध्ये इतक्या मोठ्या प्रमाणावर घसरण पाहायला मिळाली आहे. फेब्रुवारी 2017 मध्ये निफ्टीचा निर्देशांक 8,800 च्याही खाली आला होता. तशीच परिस्थिती शुक्रवारीही पाहायला मिळाली.
Trading in NIFTY has stopped for 45 minutes due to lower circuit limit after the market fell over 10% in the initial trade pic.twitter.com/hYG8wxDaOO
— ANI (@ANI) March 13, 2020
शेअर बाजारात 10 टक्क्यांची घसरण झाल्याने हे सर्कीट लागले आहे. शेअर बाजाराचे काम सुरू झाल्यानंतर पुन्हा 5 टक्क्यांची घसरण झाली तर तर दुसरं लोअर सर्कीट लागण्याची भीती आहे. बाजारामध्ये खरेदीचा जोर वाढला तरच हे शक्य आहे. सध्याची जागतिक परिस्थिती आणि KoronaVirus चा उद्रेक पाहता ही शक्यता कमी वाटत असल्याचं तज्ज्ञांचं मत आहे.
Stock exchanges halt trading for 45 minutes as Sensex, Nifty hit lower circuit limits
— Press Trust of India (@PTI_News) March 13, 2020
दुसरं सर्कीट लागल्यानंतर आजच्या दिवसातील व्यवहार पुढे चालू ठेवायचे अथवा नाही याचा निर्णय शेअर बाजाराचं प्रशासन घेईल.शुक्रवारी शेअर बाजार उघडताच घसरणीला सुरुवात झाली. निफ्टी हा तब्बल 966 अंकांनी पडला तर सेन्सेक्स हा 3090 अंकांनी पडला.
CoronaVirus मुळे जागतिक पातळीवर घबराट पसरली असून त्याचा फटका आर्थिक घडामोडींनाही बसला आहे. फक्त हिंदुस्थानातच नाही तर वेगवेगळ्या देशातील शेअर बाजारामध्ये पडझडीचं सत्र पाहायला मिळालं. अमेरिकेमध्ये Dow मध्ये 2350 अंकांची घसरण पाहायला मिळाली. इतक्या मोठ्या प्रमाणावर तिथला निर्देशांक घसरण्याची ही 1987 नंतर पहिलीच वेळ आहे.
