अयोध्येमध्ये 22 जानेवारी रोजी प्रभू श्रीराम मंदिराचे लोकार्पण आणि प्राणप्रतिष्ठा सोहळा होणार आहे. 500 वर्षाच्या संघर्षानंतर मंदिर उभारले जात असून यामुळे देशभरात आनंदाचे वातावरण आहे. मात्र या सोहळ्यावर देशातील चार प्रमुख मठांच्या शंकराचार्यांनी बहिष्कार टाकला आहे. प्राणप्रतिष्ठा सोहळ्याची पद्धत, यजमान कोण असावं आणि निर्माणाधीन मंदिराचे लोकार्पण या मुद्द्यांवर बोट ठेवत शंकराचार्यांनी राम मंदिर प्राणप्रतिष्ठा सोहळ्याला जाण्यास नकार दिला आहे.
जगन्नाथपुरीच्या गोवर्धन मठाचे शंकराचार्य स्वामी निश्चलानंद सरस्वती (Nischalananda Saraswati) आणि उत्तराखंडच्या ज्योतिर मठाचे शंकराचार्य स्वामी अविमुक्तेश्वरानंद सरस्वती (Avimukteshwaranand Saraswati) यांनी 22 जानेवारीला अयोध्येतील राम मंदिरातील मूर्तीच्या प्राणप्रतिष्ठा सोहळ्याला उपस्थित राहण्यास नकार दिला आहे. यासह अन्य शंकराचार्यांनी यावर भाष्य केलेले नाही, मात्र ते देखील या सोहळ्याला उपस्थित राहणार नसल्याची चर्चा आहे. चारही शंकराचार्यांच्या निर्णयाचा अर्थ मोदीविरोधी असला लावण्यात येऊ नये, मात्र आम्ही धर्मशास्त्राच्या विरोधात जाऊ इच्छित नाही, असे स्वामी अविमुक्तेश्वरानंद सरस्वती म्हणाले. त्यांचा व्हिडीओही व्हायरल होत आहे.
कोणत्याही तिरस्कारामुळे किंवा द्वेषामुळे हा निर्णय घेतलेला नाही. मात्र शास्त्रविधींचे पालन करणे आणि त्याचे पालन केले जाईल याची खात्री करणे हे शंकराचार्यांचे कर्तव्य आहे. मात्र इथे शास्त्रविधींकडे दुर्लक्ष होत आहे. मंदिराचे बांधकाम अद्याप पूर्ण झालेला नाही. अशा निर्माणाधीन मंदिरात प्राणप्रतिष्ठा करणे ही सर्वात मोठी समस्या आहे, धर्मशास्त्र याला अनुमती देत नाही, असे स्वामी अविमुक्तेश्वरानंद सरस्वती म्हणाले.
22 जनवरी के प्रतिष्ठा के पूर्व रामानन्द सम्प्रदाय को मन्दिर सौंपे रामजन्मभूमि तीर्थ क्षेत्र ट्रस्ट –
रामजन्मभूमि तीर्थ क्षेत्र ट्रस्ट के महासचिव चंपतराय जी के इस बयान पर पूज्यपाद ज्योतिष्पीठाधीश्वर जगद्गुरु शंकराचार्य स्वामिश्रीः अविमुक्तेश्वरानंदः सरस्वती ‘१००८’ की प्रतिक्रिया… pic.twitter.com/h0IqLN8wFe
— 1008.Guru (@jyotirmathah) January 9, 2024
दरम्यान, याआधी जगन्नाथपुरीच्या गोवर्धन मठाचे शंकराचार्य स्वामी निश्चलानंद सरस्वती यांनी राममंदिराच्या प्राण प्रतिष्ठापना सोहळ्यासाठी अयोध्येला जाण्यास नकार दिला. पंतप्रधान नरेंद्र मोदी हे उद्घाटन करून त्या मूर्तीला स्पर्श करतील. मग मी त्या ठिकाणी काय फक्त टाळ्या वाजवायला जाऊ का? असा सवाल त्यांनी केला. मला माझ्या पदाची आणि प्रतिष्ठेची जाणीव आहे. त्यामुळे माझे तिथे जाणे योग्य नाही. यात राजकारणी आपला डाव खेळत आहेत, असा आरोपही त्यांनी केला.
View this post on Instagram
