राजस्थानच्या जोधपूर शहरामध्ये घरगुती गॅस सिलिंडरचा भीषण स्फोट झाला. या स्फोटामध्ये 4 जणांचा मृत्यू झाला, तर 16 जण गंभीर जखमी झाले आहेत. जखमींना महात्मा गांधी रुग्णालयात (Mahatma Gandhi Hospital) उपचारासाठी दाखल करण्यात आले आहे.
जोधपूर शहरातील मगरा पुंजला (Magra Punjla) भागातील किर्तीनगरमध्ये 6 गॅस सिलिंडरचा स्फोट झाला. या स्फोटामध्ये दोन लहान मुलांसह चार जणांचा मृत्यू झाला, तर 16 गंभीर जखमी झाले. या स्फोटामुळे किर्तीनगरचा परिसर हादरून गेला. स्पोटात काही वाहनेही जळून खाक झाल्याची माहिती मिळतेय.
Rajasthan | Four persons died and 16 got injured in a gas cylinder explosion in the Kirti Nagar area of Jodhpur pic.twitter.com/x9x0jyl0cw
— ANI MP/CG/Rajasthan (@ANI_MP_CG_RJ) October 8, 2022
राजस्थानचे मुख्यमंत्री अशोक गेहलोत यांनीही या घटनेची दखल घेतली असून सोशल मीडियावर ट्विट करून त्यांनी शोक व्यक्त केला. जोधपूरमधील मगरा पुंजला भागातील कीर्ती नगरमध्ये गॅस सिलिंडरच्या स्फोटामुळे 4 लोकांचा मृत्यू आणि अनेक लोक जखमी झाल्याची माहिती खूप दुःखदायक आहे. स्थानिक प्रशासनाकडून संपूर्ण घटनेची माहिती घेतली असून जखमींवर योग्य उपचार करण्याच्या सूचना दिल्या आहेत, असे ट्विट त्यांनी केले.
जोधपुर में मगरा पूंजला एरिया के कीर्ति नगर में गैस सिलेंडर फटने से 4 लोगों की मृत्यु एवं कई लोगों के घायल होने की जानकारी बेहद दुखद है। स्थानीय प्रशासन से पूरी घटना की जानकारी ली है एवं घायलों के समुचित उपचार के निर्देश दिए हैं।
— Ashok Gehlot (@ashokgehlot51) October 8, 2022
दरम्यान, स्फोटात जखमी झालेल्या काही नागरिकांची प्रकृती गंभीर आहे. काही लोक 80 टक्क्यांहून जास्त भाजल्याने त्यांच्यावर अतिदक्षता विभागात उपचार सुरू आहेत. जोधपूरचे जिल्हाधिकारी हिमांशू गुप्ता (Himanshu Gupta) यांनी रुग्णालयात जावून रुग्णांच्या तब्येतीची चौकशी केली.
