बेल्जियमने न्यूझीलंडचा ५-१ असा पराभव करून बाद फेरीसाठी पात्रता मिळवली. बेल्जियमने पहिल्या सत्रात आघाडी घेतली. लिआंद्रो ट्रोसार्डने २८ व्या मिनिटाला गोल करून बेल्जियमला सुरुवातीची आघाडी मिळवून दिली. बेल्जियमने पहिल्या सत्रात ही आघाडी कायम ठेवली. पण दुसऱ्या सत्रात त्यांनी आक्रमक पवित्रा घेतला आणि आपली आघाडी अधिक मजबूत केली. लिआंद्रोने ५०व्या मिनिटाला आणखी एक गोल केला, तर केविन डी ब्रुयनने ६६ व्या मिनिटाला गोल करून आघाडी ३-० अशी वाढवली.
एलियाह जस्टने ८४ व्या मिनिटाला गोल करून न्यूझीलंडसाठी पिछाडी कमी करण्याचा प्रयत्न केला, परंतु बेल्जियमने आपले हल्ले सुरूच ठेवले आणि रोमेलू लुकाकूने ८६ व्या मिनिटाला संघाचा चौथा गोल केला. त्यानंतर अॅलेक्सिस सेलमेकर्सने अतिरिक्त वेळेच्या चौथ्या मिनिटाला गोल करून ५-१ अशी आघाडी घेतली आणि बेल्जियमने एकतर्फी सामना जिंकला.
