राहुल गांधी यांच्या नेतृत्वात काँग्रेसने भारत जोडो यात्रा काढली आहे. कन्याकुमारीपासून या यात्रेची सुरुवात झाली असून ही यात्रा आता कर्नाटकात पोहोचली आहे. गुरुवारी या यात्रेत सोनिया गांधी देखील सामील झाल्या होत्या. राहुल गांधी यांनी गुरुवारी जेव्हा यात्रेला सुरुवात केली तेव्हा त्यांच्या मार्गात स्वातंत्र्यवीर सावरकर यांची छबी असलेले काँग्रेसचे पोस्टर पाहायला मिळाले. ही यात्रा जेव्हा केरळमध्ये होती तेव्हाही काँग्रेसच्या काही पोस्टरवर स्वातंत्र्यवीर सावरकरांची छबी होती. त्यावेळी काँग्रेस नेत्यांनी म्हटले होते की ही प्रिटींग मिस्टेक होती.
Savarkar facing trial of Mahatma Gandhi’s murder.
Savarkar appearing is the posters of Bharat Jodo Yatra of Rahul Gandhi. pic.twitter.com/aElbBDRZ82
— Kapil (@kapsology) October 6, 2022
कर्नाटकात राहुल गांधी यांच्या पोस्टरवर स्वातंत्र्यवीर सावरकरांची छबी झळकल्याने आश्चर्य व्यक्त केलं जात होतं. याबाबत काँग्रेस नेते मोहम्मद नलपाद यांना विचारले असता त्यांनी आरोप केला की ही पोस्टर उपद्रव पसरवणाऱ्यांनी लावली आहेत. काँग्रेसने या पोस्टरविरोधात पोलिसांत तक्रारही केल्याचे त्यांनी सांगितले आहे. आपल्या पक्षाने ही पोस्टर लावली नसल्याचे नलपाद यांनी म्हटले आहे. केरळमध्ये जेव्हा स्वातंत्र्यवीर सावरकरांची छबी काँग्रेसच्या पोस्टरवर झळकली होती तेव्हा तिथल्या नेत्यांनी ही प्रिटींग मिस्टेक असल्याचं आरोप केला होता, सोबतच स्थानिक नेत्यांनी यामागे भाजपचा हात असल्याचा आरोप केला होता.
