पाकिस्तानचे माजी पंतप्रधान आणि पीटीआय पक्षाचे प्रमुख इम्रान खान (Former Pakistan PM & PTI chief Imran Khan) यांना अटक करण्यात आली आहे. इम्रान खान यांच्यावर भ्रष्टाचाराचे आरोप असून याप्रकरणी इस्लामाबात हाय कोर्टामध्ये हजर झाल्यानंतर पाकिस्तानी पोलिसांना त्यांना अटक केली.
Former Pakistan PM & PTI chief Imran Khan has been arrested from outside the Islamabad High Court (IHC) by Rangers, reports Pakistan’s Dawn News pic.twitter.com/FHFTw3wUbr
— ANI (@ANI) May 9, 2023
इम्रान खान आज इस्लामाबाद हाय कोर्टामध्ये हजर झाले होते. तिथेच त्यांना अटक करण्यात आली. अल कादिर ट्रस्टमधील भ्रष्टाचाराप्रकरणी त्यांच्यावर ही कारवाई करण्यात आली आहे. त्यांच्या अटकेवेळी कोर्टाबाहेर पोलिसांचा मोठा फौजफाटा तैनात करण्यात आला होता. इम्रान खान यांना ताब्यात घेतल्यानंतर पोलिसांनी त्यांना अक्षरश: मानेला धरून नेले आणि गाडीत ढकलले.
View this post on Instagram
इम्रान खान यांच्या अटकेवेळी त्यांच्या समर्थकांना आणि वकिलांनाही बेदम मारहाण करण्यात आली. याचा व्हिडीओही व्हायरल झाला असून यात इम्रान खान यांच्या वकिलाच्या डोक्यातून रक्ताच्या धारा वाहताना दिसत आहेत. पाकिस्तान तहरीक ए इस्लाम पक्षाने (पीटीआय) आपल्या अधिकृत ट्विटर हँडलवरून हा व्हिडीओ शेअर केला असून लोकशाहीसाठी हा काळा दिवस असल्याचे म्हटले आहे.
Imran Khan’s lawyer badly injured inside the premises of IHC. Black day for our democracy and country. pic.twitter.com/iQ8xWsXln7
— PTI (@PTIofficial) May 9, 2023
दरम्यान, इम्रान खान यांच्या अटकेनंतर पीटीआयने त्यांच्या समर्थकांना रस्त्यावर उतरण्याचे आवाहन केले असून लाहोरमध्ये निदर्शने सुरू झाली आहे. जमा पार्कमध्ये पीटीआयचे समर्थक जमले असून त्यांनी तोडफोडीला सुरुवात केली आहे. तसेच रस्त्यावर बॅनर, टायर जाळून घोषणाबाजी सुरू केलीय.
इम्रान खान यांच्या अटकेमुळे पुढील काळात पाकिस्तानमधील परिस्थिती चिघळण्याची शक्यता असून पोलीस सतर्क आहेत. पीटीआयच्या कार्यकर्त्यांना आणि नेत्यांवर कारवाई करण्यासाठी पोलिसांनी तयारी केली आहे.
इम्रान खान यांनी पाकिस्तानची गुप्तचर संस्था आयएसआयचे अधिकारी मेजर जनरल फैसल नसीर यांच्यावर नुकताच एक गंभीर आरोप केला होता. नसीर आपल्या हत्येचा प्रयत्न करत असल्याचा आरोप इम्रान खान यांनी केला होता. या विधानानंतर पाकिस्तानी लष्कराने नाराजी व्यक्त केली होती.
