पुणे पोर्श प्रकरणाशी संबंधित असलेले अजित पवार गटाचे उमेदवार सुनील टिंगरे वडगाव शेरीमधून पराभूत झाले आहेत. राष्ट्रवादी काँग्रेस शरदचंद्र पवार गटाचे उमेदवार बापूसाहेब पठारे यांनी 4,710 मतांची आघाडी घेत टिंगरे यांचा पराभव केला. टिंगरे हे वडगाव शेरी मतदारसंघाचे विद्यमान आमदार होते.
पोर्शे अपघात प्रकरणात टिंगरे यांचेही नाव पुढे आले होते. पुण्यातील कल्याणीनगरमध्ये 19 मे 2024 रोजी 17 वर्षीय पोर्शे कार चालकाने दोन दुचाकींना धडक दिली होती. यात दोघांचाही मृत्यू झाला. घटनेनंतर अल्पवयीन मुलगा आणि चालकाला पोलिसांनी ताब्यात घेतले होते. यानंतर सुनील टिंगरे यांनी पोलीस ठाण्यात दाखल झाले होते. टिंगरे यांनी अल्पवयीन आरोपीला वाचवण्याचा प्रयत्न केल्याचा आरोप होता. पोलिसांनी याप्रकरणी टिंगरे यांची चौकशीही केली होती. मात्र टिंगरे यांनी हे आरोप फेटाळले होते.
