IPL 2021 च्या 17 व्या सामन्यात के.एल राहुलच्या नेतृत्वात खेळणाऱ्या पंजाब किंग्जने गतविजेत्या मुंबई इंडियन्सचा सहज पराभव केला. पंजाब किंग्जने फक्त 1 गडी गमावत मुंबई इंडियन्सने दिलेले आव्हान पूर्ण केले.
पंजाब किंग्जने नाणेफेक जिंकत पहिले गोलंदाजीचा निर्णय घेत सगळ्यांना आश्चर्यचकीत केलं होतं. मात्र पंजाबच्या गोलंदाजांनी सुरेख गोलंदाजी करत मुंबईच्या फलंदाजांना जखडून ठेवलं होतं. पहिल्या 10 षटकात मुंबईला फक्त 48 धावा करता आल्या.
रोहित शर्मा आणि सुर्यकुमार यादव या जोडीने मुंबई इंडियन्सला शंभरी पार करून दिली. रोहितने 63 तर यादवने 33 धावा फटकावल्या. मुंबई इंडियन्सला 20 षटकांत 131 धावाच करता आल्या.
पंजाबचा कर्णधार केएल राहुल याने सलामीवीर मयांक अगरवालच्या साथीने त्याच्या संघाला अपेक्षित अशी सुरुवात करून दिली. मयांक 25 धावांवर बाद झाल्यानंतर राहुलने ख्रिस गेलच्या मदतीने तुफानी फटकेबाजी करत संघाला विजय मिळवून दिला
राहुलने 60तर गेलने 43 धावा केल्या. या विजयामुळे पंजाब किंग्जच्या संघाने गुणतालिकेत 5 व्या स्थानावर झेप घेतली आहे. मुंबई इंडियन्सचा संघ हा चौथ्या स्थानावर आहे. गुणतालिकेत रॉयल चॅलेंजर्स बंगळुरूचा संघ पहिल्या तर चेन्नई सुपर किंग्जचा संघ दुसऱ्या स्थानावर आहे. दिल्ली कॅपिटल्सचा संघ तिसऱ्या स्थानी आहे.
गतविजेत्या मुंबई इंडियन्सला 5 पैकी फक्त 2 सामने जिंकता आले आहेत. तीन सामन्यात त्यांना पराभवाचे तोंड पाहावे लागले आहे. पंजाब किंग्जलाही 5 मधील 3 सामन्यात पराभूत व्हावं लागलं आहे.
