सध्या आयपीएलचा 16 वा हंगाम सुरु आहे. काल अरुण जेटली स्टेडियमवर सनरायझर्स हैदराबाद आणि दिल्ली कॅपिटल्समध्ये सामना रंगला होता. तर, दुसरीकडे स्टेडियममधील प्रेक्षकांमध्ये फ्री स्टाईल हाणामारी पाहायला मिळाली. नाणेफेक जिंकून प्रथम फलंदाजी करत हैदराबादने 6 बाद 197 धावा केल्या. 198 धावांच्या विशाल आव्हानाचा पाठलाग करताना दिल्लीच्या फलंदाजांना घाम फुटला आणि संघ केवळ धावा करू शकला. अखेर हैदराबादने 9 धावांनी विजय मिळवला. या सामनादरम्यानचा एक व्हिडीओ सोशल मिडीयावर व्हायरल होतो आहे. यामध्ये स्टेडिअममधील प्रेक्षकांच्या बाचाबाचीचे रुपांतर तुफान हाणामारीमध्ये झाल्याचं दिसून येत आहे.
A fight took place between fans in Delhi during their match against SRH. pic.twitter.com/MYPj6dqejb
— Mufaddal Vohra (@mufaddal_vohra) April 30, 2023
चाहत्यांचा व्हिडीओ तुफान व्हायरल
चाहत्यांमधील हाणामारी कॅमेऱ्यात कैद झाली. या भांडणात कोणीही जखमी झाले नाही पण हे भांडण नेमके कशामुळे झाले हे अद्याप समजू शकलेले नाही. आता व्हायरल होत असलेल्या व्हिडीओमध्ये प्रेक्षक खुर्च्या फेकताना दिसत आहेत. तसेच एकमेकांना लाथा बुक्क्या मारल्या जात असून एकूणच खूप गोंधळ सुरू असल्याचे दिसत आहे.
पोलिसांनाही हस्तक्षेप करावा लागला
या हाणामारीत जवळपास 5 ते 6 लोक सहभागी होते. आजूबाजूला बसलेल्या लोकांना नेमकं काय होतय, तेच कळत नव्हतं. ही मारामारी सोडवण्यासाठी कोणीही मध्ये आलं नाही, अखेर पोलिसांना हस्तक्षेप करावा लागला व त्यांनी लोकांना शांत केलं.
