सोमनाथ मंदिरातील पुजारी राहुल गांधींना ओरडले, आदित्यनाथ यांचा दावा

सामना ऑनलाईन, अहमदाबाद

काँग्रेस अध्यक्ष राहुल गांधी सोमनाथ मंदिरात दर्शनाला गेले असताना नमाज पढायला बसतात तसे बसले होते असे उत्तर प्रदेशचे मुख्यमंत्री योगी आदित्यनाथ म्हणाले आहेत. मंदिरात नीट न बसल्याने मंदिरातील पुजारी त्यांना ओरडल्याचा दावाही त्यांनी केला आहे.

UP CM Yogi Adityanath in Ahmedabad: But it’s the people of Gujarat who exposed Rahul Gandhi. He went to Somnath temple & sat there as if offering namaz. Temple priest had to scold him that this is a temple, sit cross-legged. This is why I say nakal ke liye bhi akal chahiye.(26.3) pic.twitter.com/oAvtmugS86

— ANI (@ANI) March 27, 2019

अहमदाबादमध्ये भाजपने एका जाहीर सभेचे आयोजन केले होते. या सभेला योगी आदित्यनाथ यांची उपस्थिती होती. भाषणादरम्यान त्यांनी राहुल गांधी यांनी गुजरातमध्ये झालेल्या विधानसभा निवडणुकीपूर्वी मंदिरांना दिलेल्या भेटीची उपस्थितांना आठवण करून दिली. या मंदीर भेटीदरम्यान सोमनात मंदिरात तिथले पुजारी राहुल गांधी यांना मांडी घालून न बसल्याने ओरडले होते असं आदित्यनाथ यांचं म्हणणं आहे. ‘नक्कल करण्यासाठीही अक्कल लागते’ असा टोमणाही आदित्यनाथ यांनी राहुल गांधी यांना लगावला.