इंग्लंडविरुद्धच्या तिन्ही सामन्यांमध्ये कुलदीपला राखीव खेळाडू म्हणून बसवण्यात आले होते. भारतीय संघ सध्या टी-20 मालिकेसाठी झिम्बाब्वेमध्ये आहे, परंतु त्या संघात त्याचा समावेश नाही. दरम्यान, कुलदीप यादव इंग्लंडमध्ये खेळताना दिसणार आहे. तो यॉर्कशायर काउंटी संघात सामील झाला आहे.
यॉर्कशायरने प्रसिद्ध केलेल्या निवेदनात कुलदीप यादव म्हणाला, ‘यॉर्कशायरमध्ये सामील झाल्याचा मला आनंद आहे आणि या संधीबद्दल मी आभारी आहे. यॉर्कशायरसारखा गौरवशाली इतिहास असलेल्या क्लबचे प्रतिनिधित्व करणे हा माझ्यासाठी सन्मान असेल. इंग्लंडमधील परिस्थितीत खेळण्याचे आव्हान मला नेहमीच आवडते आणि व्यवस्थापनाशी बोलल्यानंतर मी संघात सामील होण्यासाठी खूप उत्सुक आहे. हेडिंग्ले येथील माझ्या कार्यकाळात संघासाठी सकारात्मक योगदान देण्यास मी उत्सुक आहे.’
