महिंद्राचे सर्वेसर्वा आनंद महिंद्रा गाड्यांवर प्रचंड प्रेम आहे. ते नव्या नव्या गाड्या ट्राय करतात आणि त्यातील काही आवडल्या की खरेदीही करतात. नुकतेच त्यांनी आपल्या कार कलेक्शनमध्ये एक नवीन एसयुव्ही कारची भर घातली आहे. ट्विटरवर एका पोस्टच्या माध्यमातून त्यांनी ही माहिती दिली आणि लोकांकडे त्यांनी या गाडीसाठी नावही विचारले आहे, आनंद महिंद्रांच्या या पोस्टवर युजर्सनी गमतीदार उत्तरे दिली आहेत.
Big day for me; received my ScorpioN…. Need a good name for it…Recommendations welcome! pic.twitter.com/YI730Eo9uh
— anand mahindra (@anandmahindra) October 7, 2022
आनंद महिंद्रा यांना त्यांच्या स्कॉर्पियो-एन एसयूवीची डिलिव्हरी मिळाली आहे. त्यांची ही एसयूव्ही गाडी लाल रंगाची आहे. त्यांनी आपल्या नव्या गाडीसोबत एक फोटो काढला आणि ट्विटरवर पोस्ट केला आहे. या पोस्टमध्ये त्यांनी लिहीलेय की, माझ्यासाठी मोठा दिवस, माझी स्कॉर्पिओ एन मिळाली. गाडीसाठी छान नाव हवंय…नाव सुचविणाऱ्यांचे स्वागत आहे अशी पोस्ट लिहीली आहे. या गाडीची किंमत 11.99 लाखांपासून 23.90 लाखांपर्यंत आहे. गाडी पाहून आनंद महिंद्रा यांनी त्याचे टॉप व्हेरिएंट घेतल्याचे दिसत आहे. त्यांच्या या ट्विटवर युजर्सनी वेगवेगळी गाडीसाठी नावे सुचवली आहेत. यामधील काही मजेदार नावे आहेत. एका व्यक्तीने या गाडीचे नाव गरुड, चित्ता असे असायला हवे असे म्हंटले आहे. तर अन्य एका युजरने ‘बिग डॅडी’, तर आणखी एकाने ‘सफारी’ असे सल्ले दिले आहेत.
महिंद्रा स्कॉर्पियो-एन या गाडीसाठी दोन वर्षाचे प्रतिक्षा कालावधी आहे. एसयुव्हीचे टॉप ट्रीम Z8Lवर 20 महिन्यांचा प्रतिक्षा कालावधी आबे. नव्या स्कॉर्पियो एनची डिलिव्हरी 26 सप्टेंबर 2022 पासूनु सुरु केली होती. कंपनीने आधीच सांगितले की, टॉप-एंड Z8L वेरिएंट ला प्राथमिकतेसोबत डिलिव्हर केले जाईल. याची बुकिंग विंडो उघडल्यावर अर्ध्या तासात 1 लाख गाड्यांची बुकिंग झाली होती. ही 2.0Lटर्बो पेट्रोल आणि 2.2L डिझेल इंजिनसोबत मॅन्युअल आणि ऑटोमेटीक गिअरबॉक्स असे पर्याय आहेत.
