बीड लोकसभा निवडणूक मी लढवावी अशी जनतेची इच्छा होती. परंतु व्यापक जनहिताचा विचार करून ही निवडणुक न लढवण्याचा निर्णय घेऊन बीड लोकसभा निवडणूकीतून माघार घेत असल्याचे शिवसंग्रामच्या ज्योती मेटे यांनी जाहीर केले.
बीड लोकसभा मतदारसंघातून निवडणूक लढवण्याची शिवसंग्रामच्या ज्योती मेटे यांची इच्छा होती. त्यासाठी त्यांनी राष्ट्रवादी काँग्रेसचे अध्यक्ष शरद पवार यांची भेटही घेतली. मात्र महाविकास आघाडीची उमेदवारी बजरंग सोनवणे यांना जाहीर झाली. त्यामुळे ज्योती मेटे यांच्या भूमिकेकडे सर्वांचे लक्ष लागले होते. आज पत्रकारांशी बोलताना त्यांनी व्यापक जनहित लक्षात घेऊन आपण निवडणुकीतून माघार घेत असल्याचे जाहीर केले. मात्र, आपला पाठिंबा कोणाला असेल, हे राज्यपातळीवर शिवसंग्रामच्या पदाधिकार्यांशी चर्चा करून ठरवण्यात येईल, असेही त्यांनी स्पष्ट केले.