पंजाबमधील अबोहार मतदारसंघाचे आमदार अरुण नारंग यांना काही आंदोलकांनी मारहाण केल्याचे समोर आले आहे. हे आंदोलक शेतकरी असल्याचे समजते. मुक्तसार जिल्ह्यातील मालौट भागात ही घटना घडली आहे. या मारहाणीचा व्हिडीओ व्हायरल झाला आहे.
BJP MLA Arun Narang Ji along with two other party leaders were assaulted in Malout town. Punjab is now becoming West Bengal were BJP people are attack frequently. This was not expected from @capt_amarinder GOVT. @PunjabPoliceInd @HMOIndia#DeathOfDemocracy#BJPAttackedInPunjab pic.twitter.com/ovNgT0mYdN
— Hemir Desai (@hemirdesai) March 27, 2021
मालौट येथे नारंग यांची पत्रकार परिषद आयोजित करण्यात आली होती. ते त्या पत्रकार परिषदेला जात असताना त्याच मार्गावर शेतकरी आंदोलन करत होते. नारंग प्रेस कॉन्फरन्स आयोजित केलेल्या ठिकाणी पोहोचताच त्या आंदोलकांनी नारंग यांना गराडा घातला. त्यानंतर त्यांच्या अंगावर काळी शाई फेकली व त्यानंतर त्यांचे कपडे फाडले. मोठ्या मुश्कीलीने नारंग यांना पोलिसांनी आंदोलकांच्या गराड्यातून बाहेर काढले. अरुण नारंग यांच्या सोबत असलेल्या काही भाजप नेत्यांनाही मारहाण करण्यात आली आहे.
या मारहाणीनंतर भाजप नेत्यांना त्यांची प्रेस कॉन्फरन्स रद्द करत काढता पाय घ्यावा लागला. दरम्यान भाजप नेत्यांनी या मारहाणीचा निषेध करत राज्यात राष्ट्रपती राजवट लागू करण्याची मागणी केली आहे.
