उत्तर प्रदेशमधील फक्कड बाबा रामायणी हे यावर्षी वयाच्या 80 व्या वर्षी निवडणूक लढवत आहेत. निवडणूक लढविण्याची ही त्यांची १७ वी वेळ आहे.
याआधी फक्कड बाबांनी 8 वेळा लोकसभा व 8 वेळा विधानसभा निवडणूक लढवली आहे. मात्र अद्याप एकदाही त्यांना निवडणूक जिंकता आलेली नाही.
गुरुवारी त्यांनी मथुरा मतदारसंघातून निवडणूक लढविण्यासाठी अर्ज दाखल केला आहे. या मतदारसंघातून गेल्या निवडणूकीत ड्रीम गर्ल हेमा मालिनी यांनी त्यांचा पराभव केला होता.
फक्कड बाबा हे गावा गावांमध्ये किर्तन व रामायणाचा पाठ करत फिरत असतात. राम मंदिराच्या निर्मणासाठी ते किर्तनातून जनजागृती करत असतात.
