कुटुंबाला जंगल सफारीची तिकीट न मिळाल्याने आसाममधील गोलाघाट जिल्ह्याचे पोलीस अधीक्षक (एसपी) राजेन सिन्हा या अधिकाऱ्याने पदाचा गैरवापर केल्याचा आरोप आहे. या अधिकाऱ्याने काझिरंगा राष्ट्रीय उद्यानातील वन अधिकारी तरुण गोगाई यांचे मध्यरात्री अपहरण करत पहाटे 4 वाजेपर्यंत त्याचा छळ केला. ही घटना गुरुवारी घडली आहे.
मिळालेल्या माहितीनुसार, राजेन सिन्हा यांच्या कुटुंबाला काझीरंगा नॅशनल पार्कमध्ये जायचे होते. त्यांना जंगल सफारीसाठी जायचे होते. त्यांनी वनअधिकारी गोगई यांना तिकीटसाठी विनंती केली. पण सफारीसाठी प्रचंड गर्दी असल्याने त्यांना तिकीट देता आली नाही. त्यामुळे संतापलेल्या एसपी सिन्हा यांनी मध्यरात्री गोगाई यांच्या घरातून त्यांचे अपहरण करुन सकाळी 4 वाजेपर्यंत मानसिक छळ केल्याचा आरोप गोगोई यांनी केला. एसपी सिन्हा यांनी अर्वाच्य भाषेत शिवीगाळ केली आणि धमकी दिल्याचा दावाही त्यांनी केला. या घटनेची माहिती मिळाल्यानंतर वनअधिकारी आणि एसडीपीओसह अनेक अधिकाऱ्यांनी पोलीस ठाण्यात धाव घेत गोगोई यांना परत आणले. एका उच्च पदावर असलेल्या अधिकाऱ्याने अशा वागण्यामुळे लोकांमध्ये खळबळ उडाली आहे.
I spoke to the Director General of Police, Assam Sri @gpsinghips regarding the incident involving the Superintendent of Police, Golaghat. We do not endorse arrogance, and it is important for public servants to remain humble in their thoughts and actions.
— Himanta Biswa Sarma (@himantabiswa) December 22, 2023
याप्रकरणी X या सोशल साईडवर आसामचे मुख्यमंत्री यांनी ट्विट केले. मी पोलीस महासंचालक, आसाम श्री @gpsinghips यांच्याशी गोलाघाटच्या पोलीस अधीक्षकांशी संबंधित घटनेबाबत बोललो. आम्ही त्यांच्या या वर्तनाचे समर्थन करत नाही आणि सार्वजनिक सेवकांनी त्यांच्या विचार आणि कृतीत नम्र राहणे महत्वाचे आहे.
I’ve been made aware of the last evenings undue detention of Sri Tarun Gogoi of @assamforest by @GolaghatPolice I have spoken with Sri Gogoi and conveyed my regret as @DGPAssamPolice SP Golaghat has also been suitably advised. Our aim remains courteous behaviour with fellow…
— GP Singh (@gpsinghips) December 22, 2023
आसामचे डीजीपी जीपी सिंह यांनी आज X वर पोस्ट केले की, ” @GolaghatPolice द्वारे @assamforest चे तरुण गोगोई यांना शेवटच्या संध्याकाळी बेकायदेशीरपणे ताब्यात घेतल्याबद्दल मला माहिती देण्यात आली आहे, मी गोगोई यांच्याशी बोललो आहे आणि @DGPAssamPolice SP म्हणून माझी खंत व्यक्त केली आहे. गोलाघाटलाही योग्य सल्ला देण्यात आला आहे. सहकारी नागरिकांशी विनम्र वागणे हेच आमचे उद्दिष्ट आहे. आसामच्या माननीय मुख्यमंत्र्यांना आणि सरकारला झालेल्या त्रासाबद्दल मी त्यांची मनापासून माफीही मागितली आहे. आणखी सुधारणा करण्याच्या वचनबद्धतेसह आसामच्या लोकांची माफी मागतो.”
