मुख्यमंत्र्यांना उद्घाटनासाठी वेळ नसल्याने नवी मुंबईची मेट्रो सेवा बराच काळ रखडली होती. अखेर गेल्या महिन्यापासून उद्घाटनाशिवाय ही मेट्रो सेवा सुरू करण्यात आली. नवी मुंबई मेट्रो सारखाच प्रकार ठाणे जिल्ह्यातील दिघा रेल्वे स्थानकाबाबत होत आहे. हे स्थानक पूर्णपणे तयार होऊन आठ महिने उलटले तरी अद्याप त्याचे उद्घाटने झालेले नाही. त्यावरून शिवसेना (उद्धव बाळासाहेब ठाकरे) पक्षाचे नेते, युवासेनाप्रमुख, आमदार आदित्य ठाकरे यांनी याबाबत ट्विट करत राज्य सरकारला व्हीआयपी कल्चरवरून फटकारले आहे.
The trend continues. Digha Station awaits a VIP date for inauguration.
Dear @RailMinIndia please open it up for the citizens, don’t make them suffer for VIP culture.
It has been ready for 8 months.
Likewise, the @MMRDAOfficial must open up the MTHL. Been ready and awaits VIPs…
— Aaditya Thackeray (@AUThackeray) December 14, 2023
”ट्रेंड सुरुच आहे. व्हीआयपींच्या तारखा मिळत नसल्याने दिघा स्थानकाचे उद्घाटन थांबवून ठेवले आहे. जवळपास आठ महिने होत आले ते स्थानक पूर्णपणे तयार होऊन. रेल्वे मंत्रालयाने ते स्थानक लोकांसाठी सुरू करावे. व्हीआयपी कल्चरसाठी लोकांना त्रास देऊ नये. यासारखंच एमएमआरडीएने देखील मुंबई ट्रान्स हार्बर लिंक देखील तायर असून व्हीआयपींमुळे त्याचे उद्घाटन रखडले आहे. नवी मुंबई मेट्रोच्या बाबतीतही तेच घडले. अखेर पाच महिन्याच्या प्रतिक्षेनंतर उद्घाटनाशिवाय नवी मुंबई मेट्रो सुरू करण्यात आली. हे सर्व व्हीआयपी (ज्यांना महाराष्ट्रासाठी वेळ नाही) महत्त्वाचे आहेत की राज्यातील जनता महत्वाची आहे’, असे ट्विट आदित्य ठाकरे यांनी केले आहे.
