अयोध्या येथील श्री राम जन्मभूमी तिर्थ क्षेत्र ट्रस्टला देशभरातून मोठ्या प्रमाणात देणगी मिळत आहे. आता या ट्रस्टला परदेशातूनही देणगी मिळण्याचा मार्ग मोकळा झाला आहे. केंद्रीय गृहमंत्रालयाने यासाठी मंजूरी दिली आली आहे. श्री राम जन्मभूमी तिर्थ क्षेत्राच्या अधिकृत ट्विटर हँडलवरून ही माहिती देण्यात आली आहे.
FCRA section of The Ministry of Home Affairs (Govt of India) has registered the trust ‘Shri Ram Janmbhoomi Teerth Kshetra’ to accept the voluntary contribution from the foreign sources.
Such contributions can be sent to only designated bank account. No such contribution shall be…
— Shri Ram Janmbhoomi Teerth Kshetra (@ShriRamTeerth) October 18, 2023
ट्रस्टला Foreign Contribution Regulation Act (FCRA) नुसार परदेशी व्यक्तीकडून निधी स्विकारण्यास परवानगी देण्यात आली आहे. गृह मंत्रालयाच्या फॉरेन कॉन्ट्रीब्युशन रेग्युलेशन कायद्याअंतर्गत (FCRA ) ‘श्री राम जन्मभूमी तिर्थ क्षेत्र’ची परदेशातून निधी स्विकारण्यासाठी नोंदणी केली आहे. परदेशातून मिळालेला निधी एकाच बँकेतील अकाऊंटमध्ये पाठवता येईल. दुसऱ्या बँकेत किंवा दुसऱ्या अकाऊंटवर हे पैसे पाठवता येणार नाहीत. परदेशातून निधी मिळवता यावा यासाठी ट्रस्टने जून महिन्यामध्ये FCRA कडे अर्ज केला होता. त्यानंतर बुधवारी FCRA कडून मंजुरी मिळालेली आहे.
निर्माणाधीन श्री रामजन्मभूमि मंदिर से आज के कुछ चित्र
Some pictures clicked today at Shri Ramjanmabhumi mandir site. pic.twitter.com/Jdou20Q2ks
— Shri Ram Janmbhoomi Teerth Kshetra (@ShriRamTeerth) October 18, 2023
अयोध्येत उभारण्यात येत असलेले रामजन्मभूमी मंदिर डिसेंबरअखेर भाविकांसाठी खुले होण्याची शक्यता आहे. अयोध्येतील राम मंदिरात डिसेंबर किंवा जानेवारी महिन्यात रामलल्लांच्या मूर्तीची प्राणप्रतिष्ठा केली जाईल. या सोहळय़ाची तारीख अद्याप निश्चित झाली नाही. श्री रामजन्मभूमी मंदिराचा तळमजला व गर्भगृहाचे काम 15 डिसेंबरपर्यंत पूर्ण होईल. त्यानंतर प्राणप्रतिष्ठेची तयारी केली जाईल. पंतप्रधान नरेंद्र मोदींच्या हस्ते रामलल्लांच्या मूर्तीची प्राणप्रतिष्ठा करण्यात येणार आहे.
श्रीरामाच्या 3 मूर्ती बनवण्याचे काम सुरू
श्रीराम मंदिरासाठी रामलल्लाच्या 3 मूर्ती तयार करण्याचे काम सुरू झाले आहे. रामलल्लाच्या डोक्यावर मुकुट व हातात धनुष्यबाण असेल. त्यासाठी कर्नाटकातील दोन काळे दगड आणि राजस्थानचे पांढरे संगमरवर वापरले जात आहेत. मात्र, यापैकी कोणती मूर्ती गर्भगृहासाठी निवडली जाईल हे अद्याप निश्चित झाले नाही.
