टीम इंडियाचा धडाकेबाज फलंदाज विराट कोहलीला अद्याप अमेरिका आणि वेस्ट इंडिजमध्ये सुरू असलेल्या टी20 वर्ल्ड कपमध्ये सुर गवसलेला नाही. असे असले तरी विराट कोहलीने सुपर 8 मध्ये बांग्लादेशविरुद्ध खेळताना फक्त 37 धावा करत इतिहास रचला आहे. तसेच वर्ल्ड कपमध्ये (वन डे आणि टी20) असा विक्रम करणारा तो पहिलाच फलंदाज ठरला आहे.
टी20 वर्ल्ड कपमध्ये टीम इंडियाने सुपर 8 मध्ये आपल्या दुसऱ्या सामन्यात बांग्लादेशचा पराभव करत सेमी फायनलचे तिकीट पक्के केले आहे. या सामन्यात टीम इंडियाने प्रथम फंलदाजी करताना 196 धावा करत बांग्लादेशला 197 धावांचे आव्हान दिले होते. मात्र बांग्लादेशचे फलंदाज बुमराह आणि कुलदीपच्या जाळ्यात अडकले आणि बांग्लादेशचा 50 धावांनी पराभव झाला. या विजयामुळे टीम इंडियाचे सेमी फायनयलचे तिकीट जवळपास निश्चित झाले आहे. तसेच या सामन्यात विराट कोहलीने एतिहासीक कामगिरी केली आहे.
बांग्लादेशविरुद्ध सलामीला आलेल्या विराट कोहलीला मोठी धावसंख्या उभारता आली नव्हती. विराट फक्त 37 धावा करुन बाद झाला. मात्र या 37 धावांमुळे विराट कोहली वर्ल्ड कपमध्ये (वन डे आणि टी20) 3000 धावांचा टप्पा पार करणारा पहिला फलंदाज ठरला आहे. या यादीमध्ये दुसऱ्या क्रमांकावर रोहित शर्मा (2637 धावा), तिसऱ्या क्रमांकावर डेव्हिड वॉर्नर (2502 धावा), चौथ्या क्रमांकावर सचिन तेंडूलकर (2278 धावा), पाचव्या क्रमांकावर कुमार संगकारा (2193 धावा), सहाव्या आणि सातव्या क्रमांकावर अनुक्रमे शाकिब अल हसन (2174 धावा) आणि क्रिस गेल (2151 धावा) यांचा समावेश आहे.
