केंद्र सरकारने पासपोर्ट आणि संबंधित सेवांच्या शुल्कात मोठा बदल केला आहे. नागरिकत्वाचा पुरावा म्हणून पासपोर्टच्या वैधतेबद्दल देशभरात चर्चा सुरू असतानाच हा बदल करण्यात आला आहे. परराष्ट्र मंत्रालयाने पासपोर्ट (सुधारणा) नियम, २०२६ जारी केले असून, ते पुढील महिन्यापासून लागू करण्याचे निर्देश दिले आहेत.
केंद्र सरकारने पासपोर्ट आणि संबंधित सेवांच्या शुल्कात मोठा बदल केला आहे, जो १ जुलै २०२६ पासून लागू होईल. नवीन नियमांनुसार, पासपोर्ट मिळवण्याचे आणि त्याचे नूतनीकरण करण्याचे शुल्क वाढणार आहे. या शुल्कात शेवटचा बदल २०१२ मध्ये झाला होता.
नवीन नियमांनुसार, १ जुलै २०२६ पासून नवीन पासपोर्ट शुल्क लागू होईल. या बदलामुळे पासपोर्ट मिळवण्यासाठी २००० रुपयांपर्यंत खर्च येऊ शकतो. पासपोर्ट शुल्कातील शेवटची वाढ २०१२ मध्ये झाली होती, हा १४ वर्षांनंतरचा बदल आहे. याबाबत सरकारने एक अधिकृत अधिसूचना जारी केली आहे. नवीन प्रणाली लागू झाल्यानंतर, नवीन पासपोर्ट मिळवणे, पासपोर्टचे नूतनीकरण करणे आणि इतर संबंधित सेवांसाठी सुधारित शुल्क लागू होईल. पासपोर्ट नियम, १९८० मधील जुनी शुल्क सूची (अनुसूची IV) नवीन शुल्क सूचीने बदलली जाईल. परराष्ट्र मंत्रालयाने म्हटले आहे की, १ जुलै २०२६ पासून सर्व पासपोर्ट सेवांसाठी नवीन शुल्क लागू होईल.
१ जुलै २०२६ पासून लागू होणार नवीन शुल्क
३६ पानांचा पासपोर्ट (नवीन/रिइश्यू)
पूर्वी ₹१,५०० → आता ₹२,५०० (सर्वसाधारण)
पूर्वी ₹३,५०० → आता ₹५,००० (तातडीचे)
६० पानांचा पासपोर्ट (नवीन/रिइश्यू):
पूर्वी: ₹२,००० → आता: ₹३,५०० (सर्वसाधारण)
पूर्वी: ₹४,००० → आता: ₹६,००० (तातडीचे)
हरवलेला/खराब झालेला ३६ पानांचा पासपोर्ट:
पूर्वी: ₹१,५०० → आता: ₹५,००० (सर्वसाधारण)
पूर्वी: ₹३,५०० → आता: ₹७,५०० (तातडीचे)
हरवलेला/खराब झालेला ६० पानांचा पासपोर्ट:
पूर्वी: ₹२,००० → आता: ₹६,००० (सर्वसाधारण)
पूर्वी: ₹४,००० → आता: ₹८,५०० (तातडीचे)
१८ वर्षांखालील मुलांसाठी ३६ पानांचा पासपोर्ट:
पूर्वी: ₹१,००० → आता: ₹१,७५० (सर्वसाधारण)
पूर्वी: ₹३,००० → आता: ₹४,२५० (तातडीचे)
अल्पवयीन मुलांसाठी हरवलेला/खराब झालेला पासपोर्ट:
पूर्वी: ₹१,००० → आता: ₹४,२५० (सर्वसाधारण)
पूर्वी: ₹३,००० → आता: ₹६,७५० (तातडीचे)
