निरोगी राहण्यासाठी संतुलित आणि पौष्टिक आहार घेणे जितके महत्त्वाचे आहे, तितकेच जेवणानंतरच्या सवयींकडे लक्ष देणेही आवश्यक आहे. अनेक जण जेवण झाल्यानंतर लगेच काही अशा गोष्टी करतात, ज्यामुळे पचनक्रिया बिघडू शकते आणि ॲसिडिटी, अपचन, पोट फुगणे किंवा अस्वस्थता यांसारख्या समस्या निर्माण होऊ शकतात.
जेवणानंतर शरीर अन्न पचवण्याच्या प्रक्रियेत सक्रिय असते. त्यामुळे या काळात काही सवयी टाळल्यास पचन व्यवस्थित होण्यास मदत होते.
जेवणानंतर कोणत्या चुका टाळायला हव्यात?
जेवणानंतर लगेच धावणे किंवा जास्त तीव्रतेचा व्यायाम केल्यास पोटदुखी, मळमळ, अपचन आणि पोटात गोळे येण्याचा त्रास होऊ शकतो. शरीर त्या वेळी अन्न पचवण्यात व्यस्त असते.
जेवणानंतर हलके चालणे फायदेशीर असले तरी वेगाने चालल्यास काही लोकांना पचनाचा त्रास होऊ शकतो. त्यामुळे आरामदायी गतीने काही मिनिटे चालणे अधिक योग्य ठरते.
जेवण झाल्यानंतर लगेच झोपल्यास ॲसिड रिफ्लक्स, छातीत जळजळ आणि अपचनाचा धोका वाढू शकतो. त्यामुळे झोपण्यापूर्वी काही वेळाचे अंतर ठेवणे गरजेचे आहे.
गरजेपेक्षा जास्त खाल्ल्यास पोट फुगणे, गॅस, अपचन आणि जडपणा जाणवू शकतो. त्यामुळे नेहमी मर्यादित आणि संतुलित आहार घ्या.
जेवणानंतर लगेच मोठ्या प्रमाणात पाणी पिण्याऐवजी थोड्या वेळाने पाणी पिणे अधिक योग्य मानले जाते. दिवसभर पुरेसे पाणी पिणे मात्र आवश्यक आहे.
जेवणानंतर किती वेळाने चालावे, व्यायाम करावा किंवा झोपावे?
जेवणानंतर 10 ते 15 मिनिटांनी हलक्या गतीने चालणे फायदेशीर ठरू शकते.
जोरदार व्यायाम करण्यासाठी जेवणानंतर किमान 1 ते 2 तासांचे अंतर ठेवा.
झोपण्यासाठी जेवणानंतर साधारण 2 ते 3 तास थांबणे योग्य मानले जाते.
जेवणानंतर कोणत्या सवयी अंगीकारायला हव्यात?
अन्न हळूहळू आणि व्यवस्थित चावून खा.
संतुलित प्रमाणातच जेवण करा.
थोडा वेळ आराम करा.
धूम्रपान आणि मद्यपान टाळा.
रात्रीचे जेवण झोपण्याच्या किमान 2 ते 3 तास आधी करा.
