नवी दिल्लीत आयोजित करण्यात आलेल्या १८ व्या ब्रिक्स परिषदेच्या पार्श्वभूमीवर विदेशी पाहुण्यांच्या मार्गावरील झोपडपट्ट्या आणि गरीब वस्त्यांसमोर मोठे पडदे व तात्पुरते बॅरिकेड्स उभे करून त्या लपवल्या जात आहेत. या मुद्द्यावरून काँग्रेसचे नेते पवन खेडा यांनी भाजप आणि केंद्रातील मोदी सरकारवर जोरदार टीका केली आहे.
दारिद्र्यासारख्या सामाजिक-आर्थिक वास्तवावर उपाय शोधण्याऐवजी सरकार ते परदेशी पाहुण्यांच्या नजरेपासून लपवण्याचा प्रयत्न करत असल्याचा आरोप पवन खेडा यांनी केला आहे.
या प्रकरणावर सोशल मीडिया प्लॅटफॉर्म X वर एक पोस्ट शेअर करत पवन खेडा यांनी लिहिले की, “भाजपला सर्व हिजाब अमान्य नसतात. मोदींच्या अपयशाला झाकणारा हिजाब (पडदा) मात्र त्यांचा अत्यंत आवडता आहे.”
Not all “hijabs” are unacceptable to the BJP.
The one that veils Modi’s failures is their favourite. pic.twitter.com/SxWgCfYEmx
— Pawan Khera 🇮🇳 ಪವನ್ ಖೇರಾ (@Pawankhera) September 12, 2026
